15 49.0138 8.38624 1 0 4000 1 https://wyrta.com 300 0

Pynman ka RBI da ka eskai ha Lamin wow pynyoo ya ki laad ki luti wow pynlai ya ka kaam poisa

0 Comments
Advertisement ad1

Jowai: Ka Field Level Financial Awareness Event da pynman ya ka ha chnong Lamin, West Jaiñtia Hills, ynne ka sngi kam chibynta wow pynsñiawthooh ya ki paidbah chaphang ka kaam poisa poilaiñ iwa man ka thong yong ka Reserve Bank of India (RBI).

Ha ki kyntien lamphang u Anurag Asthana, GM and Officer in Charge RBI Shillong, da pynsñiawthooh u yei man kongsan wow tip chaphang wa kammon u pynemkaam ya ka poisa wa ki myntoi wa ye u yoh na ki Bank ki wow yarap won ya ki paidbah liang wanang.

Da batai u hajrong ki kaamram wa ki rukom krehkaam ka RBI deiwa kyntu ya ki Bank wa ki tnat sorkar wow kreh neibynta wow pynsuk ya ki paidbah.

Chooh chooh da ong u wa i duna i tip heiwon wei kammon u pynlang ya ka poisa hapyrdi ki paidbah mih won sa ki bru samen wa ki seiñ wow chim kabu ya ki heiwa boonsien ki bru chah thok chah chukor ki.

Ki heh na ka RBI da pynche ki ya ki paidbah ya ki laad ki luti wa ye ki wow pynlai ya ka poisa namo ka Financial Planning and Budgeting, wot hadooh kammon u yait nei chah thok lyngba ki e-mails, SMS, phone call, ki company thok, i yaphær ka poisa thok wa kawa sakhiat wa kiwi kiwi kamjooh leh ki Digital Transactions kam ka UPI, BHIM, USSD, wa kiwi de.

Ha kani ka programme da em ki heh yong ka RBI, ki heh ki bank wa em hapoh West Jaiñtia Hills District, ki tnat sorkar, ki dorbar chnong wa kiwi kiwi.

Advertisement ad1

0 Comments

Leave a Reply