Ka Indian Red Cross Society, West Jaiñtia Hills Unit ha ka yurim krehkaam wow yarap ya ki para bru, ynne ka sngi da pynman ko ya ka Blood Donation Camp ha Blood Bank Jowai Civil Hospital heiwa da em hadooh 22 ngut ki dkhot kani ka seiñ kiwa da e sñiawbha yei snaam yong ki ha kani ka sien.
Ha ka yalang yahkhmat hei pynlai u W. Lyngdoh, Chairman IRCS, West Jaiñtia Hills, u H. Nongpluh, Asst. Secretary, IRCS West Jaiñtia Hills Unit da purae u ya ki dkhot ka seiñ kiwa da chimbynta wow pynman ya kani ka e snaam kawa jop neitæ da yoh leh i klam e mynsien ya ki dkhot ka seiñ na u A.N. Sawian, General Secretary IRCS Meghalaya State Branch Shillong, uwa da yaroh yeini i kaam wa khroo iwa ka IRCS West Jaiñtia Hills Unit leh ko ha ka yurim wow yarap ya ki parabru kiwa dawa u yoh yei snaam neibynta wow pynim ya ki mynsien wa kordor.
Ka Dr. P. Shylla, District & Medical Health Officer kani ka Blood Bank hawa klam da ong ko man iwa sñiawsuk wa ha ka sien wa nyngkong yoh u ya krehlang waka Indian Red Cross Society kawa man kawi na ki seiñ kreh mon sñiawbha wa bna naam yong ka pyrthai wei dap ko leh dei sñiawburom wa khroo ya ki dkhot ka IRCS kiwa da chimbynta wow e sñiawbha yei snaam yong ki.
Chooh chooh khana ko leh chaphang ki bynta wa yatoh wei rukom e snaam wei da ong ko leh i e snaam toh kawi na ki laad ki luti wow pynman yow bru næ ka bru kiwa chait wa khiah wei da kyrsu kyntu ko leh ya kiwi deiwa ong wym toh u tieñ wow e yei snaam næ u chimbynta ha ki Blood Donation Camp.
Khaddooh hei pynkut ya kani ka yalang yahkhmat, u Ohiwot Laloo, Secretary Indian Red Cross Society, West Jaiñtia Hills Unit e u ki kyntien khublei wei kitbok kitrwiang ya waroh kiwa da embynta hei wow pynman ya kani ka sngi kawa jop wei laibait lairyntih.
Discussion about this post