Pynman ka SAN-KER yei ya phyllu yow yada nei pyntkut syndet yei mynsien ha East Jaiñtia Hills

Kam chibynta ka World Suicide Prevention Day, ka SAN-KER, Shillong ynne da pynman ko yaka yalang paidbah wow yaklam wei wow ya phyllu hajrong ki kaam pyntkut syndet yei mynsien bru namo ka Suicide wei kammon wow leh yow yada yeini ha ka yalang wa da pynman ha Auditorium ka Don Bosco College, Byndihati deiwa emlang u Dr. S. Syiem, Director, SAN-KER, Shillong deilang wa u Principal ka Don Bosco College, Byndihati, u Fr. George S Lyngkhoi, u District Medical and Health Officer, East Jaiñtia Hills District, u Dr. D. Shylla, u Director ka Ephphatha Society, u Rev. E.S. Sapuh, kiwa sikai kiwa lai puræ wa kiwi kiwi.

U Dr. Syiem hawa e yei klam da ong u wa kitu kiwa da pyrchang wow pyntkut yei mynsien emkaam yarap wei emkaam ki yei pynchlur yow yoh mynsien u yaleh pyrchah yow jop ki ya iwa ktah ya ki. Da klam u leh heiyatoh wa i chah tba kti wei chah thombor ki khynnah kiwa manda heh ki em ki yeitæ i kwah wei pyrkhat wow pyntkut noh yei mynsien ki.

Da kdaw u leh yeiwa em wa jia heiwa ki bru wa da heh rta da pyntkut ki yei mynsien ki neidaw wa chah ieh mylliñ ki ha ki khon yong ki wei em leh ki wym ye de u khih u khan neidaw wa da tymmen ki.

U Principal ka Don Bosco College hei klam yong oo da ong u wa kitu kiwa kwah wow pyntkut yei mynsien ki toh kiwa chimtom hei doh i pran ki, kiwa chitom hei bor pyrkhat wa i sñiaw hei mynsien ki wei emkaam wow sñiawthooh wa kini ki bru emkaam ki yei ya syllok wei kyrchaan, kamtæ da e khublei u ya ka SAN-KER wa da pynman ko kam kani ka rynsan yow pynsñiawthooh paidbah wa ye hi wow yada na ini waroh.

U Dr. D. Shylla won hawa e yei klam da batai u chaphang i kjut i bor pyrkhat pyrdaiñ wei i rukom ktah i ya ka imlang sahlang deiwa ban joor wa ya ini i kjut ye hi wow yada deiwa kyrchaan ka imlang sahlang ya kitu ki manyung wa em bru wa chitom.

Related posts

Sdang ka Woodland WK Hospital yei pynkha khon wa khlem kjut iwa nyngkong dooh hapoh ka West Jaiñtia Hills

March 22, 2025

Pynman ka Jowai City YMCA ya ka Health Camp neibynbta kiwa da heh rta

March 21, 2025

Hadien wa yalang wai, da em ka yalang wow ya phyllu wei wow yaklam sani wa da yahkhmat da u District Medical and Health Officer ka District katwa ka Isabella Shadap, Clinical Psychologist da klam pynwai ko deiwa khana iyi wa da mih na kani ka ya phyllu.

Hachwa ini, da em ka Cycle Rally kam chibynta wow lai rah wyrta chaphang ini i kaam wa da chimbynta nadooh ki khynnah kawa da sdang nadooh Don Bosco College, Byndihati cha Good Shepherd Secondary School, Ladrymbai wei da uiñ biang cha Don Bosco College.

Ka World Suicide Prevention Day toh kawa pynman man-u-snem ha ka 10 tarik tangwa neidaw wa ka 10 tarik ha uni u snem da haap ko ha ka sngi Bibar kamtæ da pynman noh ynne ka sngi.