Ka Montri ka chnat i chait i khiah, ka Dr. M. Ampareen Lyngdoh ynne da wan wai ko ya ka Eat Right Millet Mela, International Year of Millet 2023 kawa ar sngi ha madan Malki, Shillong. Ya kani ka Mela da pynman yow pynchlur yow baam kre da pynman da ka Commissionerate ka Food Safety ka sorkar Meghalaya.
Ka Dr. Ampareen Lyngdoh hawa e yei klam da pynsñiaw ko yei kmen wow yoo wa da embynta ki khynroo khyllood kiwa seiñ khih kamjooh ki warep kre na kylleiñ ka jylla yow yoh ki wow ya e buit lang kammon wow rep kamjooh i kordor u kre kam i baam wa yoh myntoi bha.
Da e khublei ko leh ya ka United Nations wa da tipmit yeini i pynkhai im biang yei rep kre neibhah ha Meghalaya i rep kre toh iwa da em hei rukom im ki bru nadooh nachwa. Wei deiwa yarap ka sorkar da yooluti ko wa daw em boon ki warep kiwa daw pynkhai im biang yei rep kre uwa man leh uwa ym emkaam um chiboon hawa rep ya oo wei ye leh wow baam oo deilang wa kiwi ki jait baam wa em ha yaaw ha haat.
Ka Montri da lai pait ko leh ya kiwa boon ki dukan wa da booh ha kani ka Mela kiwa da booh lang wa ki marbaam wa da pynmih na u kre.
Kiwi de kiwa da emlang ha kani ka sngi toh ka R.M. Kurbah, Commissioner of Food Safety, ka S. Kharsati Director of Agriculture, ka D.B.S Mukhim, Assistant Commissioner of Food Safety, East Khasi Hills, ka Dr. Sandra Albert, Director, IIPH Shillong deilang wa kiwi de.
