Pynman ka Tympang Club Iawmusiang da ka Literary Competition neibynta ki skur wa ki College

Ka Tympang Club Iawmusiang, kawi na ki Club wa rim dooh hapoh ka chnong Jowai, da pynman ko ya ka Literary Competition neibynta ki skur wa ki College wa em ha West Jaiñtia Hills District kam chibynta i lehkmen yei dap 125 snem ka Club ha ka yalang wa da pynman ha ka 31-07-26.

Da wan wow wai ya kani ka yakob da ka Dr. Wa-i-Sa Sumer, DSEO/DMC kawa man leh kam ka In-charge Joint Director, DSEL, West Jaiñtia Hills, deiwa emlang ka Ripnar Lyngdoh, Retired IAS; u MS Lhuid, Retired IAS; u S. Dey, Retired Principal ka Kiang Nangbah College wa kiwi de kiwa chah khut sñiawbha.

Ka yakob wa nyngkong toh ka Debate neibynta ki College hajrong ka phang wa ong, “Modern Lifestyle is Weakening Our Culture, Traditions, and Community Bonds.” Heiwa da chibynta da 5 tylli ki College wei da pynlai ya ka da u H.H. Mohrmen.

Ha ini yei naam Best Debater da lai cha u Odawanlangki Sutnga na Kiang Nangbah Government College, Jowai. Hei wa ar da yoh ka Agatha L. Jongte na Thomas Jones Synod College, Jowai wei hei wa le da yoh u Silkame R. Sangma na Adventist College, Jowai.

Related posts

Khang u DC ya kiwa chet baam cha rood sarok khamtam chajan ki Tourist Spot ka East Jaiñtia

August 23, 2026

Da pynemburom ya ka World Folklore Day ha Jowai

August 23, 2026

Ha ka yakob wa ar kawa man da ka Extempore Speech Competition neibynta ki Higher Secondary School, da em 7 tylli ki skur wa chimbynta. Ya ka First Prize da yoh u Pynshngainmi Shylla na Little Angel School, Jowai, ya ka Second Prize da yoh ka Shalva Schelly Siangshai na Marian Hill Higher Secondary School katwa ya ka Third Prize da yoh u Podolski Lamare na Jowai Presbyterian Higher Secondary School. Ya kani ka yakob da pynlai da u R. Lamarr, uwa man kam u Principal warim ka Bagmara Government College.

Ha ka Quiz Competition kawa da pynman neibynta ki Secondary School, da chimbynta 8 tylli ki skur. Ka Marian Hill Higher Secondary School wa mihkhmat da u Solomon Sna wa u Franky Precious Lyngdoh da yoh ki ya ka First Prize, ka H.K. Singh Secondary School wa mihkhmat da u Ardinaldson Syntem wa u Affection Kyndait da yoh ki ya ka Second Prize katwa ya ka Third Prize da yoh ka Little Angel Higher Secondary School wa mihkhmat da u Wanlakerainam Phyrngap wa u Zephaniah Dondor Suchiang. U Quiz Master neibynta kani ka yakob toh u O. Phawa, Assistant Professor ka Kiang Nangbah Government College, Jowai.