15 49.0138 8.38624 1 0 4000 1 https://wyrta.com 300 0

Pynman yakhih kiwa duna hei doh i pran yow dawa yoh yei bhah yoh kreh wa i yarap naka sorkar

0 Comments
Advertisement ad1

Shillong: Ka Federation of Person with Disabilities, ka seiñ yong ki bru kiwa em i duna kawa kynthup ya ka Meghalaya Deaf Association (MDA), Khasi Disabilities Association (KDA), All Meghalaya Association of Person with Disabilities (AMAPD), ka Meghalaya Liberation of Visually Impaired (MLVI) wa ka Garo Hills Association of the Deaf (GHAD), ynne ka sngi da pynman ki yaka yakhih chong kyllaiñ myngor kam ka dak wow pyrchah ya ka sorkar hajrong i wym pynkrehkaam yei dawa e bhah kaam wa 4% cha ki bru wa duna hei doh i pran.

Ya kani ka yakhih da pynman haka thaw pynyieñ kari kawa em ha Additional Secretariat, Shillong heiwa da pynman leh yaka yalang wa tbian ha kani ka thaw. Ha kani ka yakhih, neiliang ki dkhot ka FPD da rah ki leh yaki kot rben wa ki Banner wow pynsñiaw ya ki dawa, “Kiwa khlan ki yoh katwa ya i kiwa tlot bor wot ya kawa da mang da chah knieh noh,” da thoh kiwa yakhih nalor kiwi leh ki thoh.

Hawa klam ha kani ka sngi u President ka KDA, u Starwin Kharjana da ong u wa kani ka yakhih deiwa chong kyllaiñ myngor da man ko neidaw wa ka sorkar ym pu em pynkrehkaam ko yaka bhah kaam kawa man 4% neibynta ki bru wa duna hei doh i pran, katkam ka aiñ The Rights of Persons with Disabilities Act, 2016 wot hadien wa kani ka seiñ da dep ko wow yachem ya u montri ka chnat Social Welfare, u Kyrmen Shylla.

“Ha ka 23 tarik, u Naikhynde ha i yachem wa u montri, i da yoh i yaka kular naka sorkar wow chimkhia ya ini i dawa, tangwa hadien chibnai wa i lai yachem biang ya u montri da e jubab u da kawa ym hun i,” da ong u.

Da kynthah u leh yei klam u montri wa lada ka seiñ ym che ko ya i jubab yong ka sorkar yei ki wow lai thooh chooh chooh yaka yutip naka Directorate. “Dang heh ka Directorate bar ya ka Secretariat?,” da kylli u Kharjana.

U Kharjana da ong chooh chooh u wa ka Scheme neibynta kiwa duna i doh i pran toh kawa naka National Finance Development Corporation Ltd. kawa toh ka Scheme wa ye u yoh naka Apex Bank ha ka sut wa khian yow seiñ khih, “Tangwa hawa yaleh kiwa boon hi, ki Bank ki pyndik wot la dep wow pynbiang ya ki kot ki sla,” da ong u.

Da pyntip u leh wa yaka Pradhan Mantri Awas Yojana (PMAY) kawa toh ka Scheme chna yung ya kiwa dooh, lyngba kani ka Scheme da mang kyrpang 5% ya kiwa duna hei doh i pran yow yoh u chna yung, tangwa kiwa boon hi ki Application da pynwair hi eh ki, khamtam ha Block Thadlaskein, Jirang, Umsning, Mawphlang, Pynursla wa Mairang.

Da ong chooh chooh u wa ka seiñ ka dawa ko leh yaka Unemployment Allowance na ka District Social Welfare kawa toh ka Scheme wa da mang neibynta ki bru wa duna ha i doh i pran kiwa chong khlem kreh wa kiwa da pyndep ya ka puræ hadooh Class 10 nadooh ka rta 21 hadooh 42 snem.

“Kani hadooh katni da e T.1000 chibnai, i dawa i wa toh u pynheh la kammon kammon wa i su ya ki Muster Roll ha ki chnat waphær waphær,” da ong u.

U Kharjana da ong u leh wa lada ka sorkar ym chimkhia ko, ka seiñ da rai ko wow pynman biang da ka yakhih ha ka 19 tarik uni u bnai wei lada ym ap ko, daw lai leh cha ki bor wa rap chaneiñ yow yoh yei dawa.

0 Comments

Leave a Reply