Jowai: Ka United Democratic Party (UDP) ka wi na ki seiñ saiñpyrthai ka jylla Meghalaya, ynne da pynman ko ya ka yalang paidbah kawa tip kam ka General Council, ha Tpep-Pale Community Hall.
Ha kani ka yalang ki dkhot ka UDP, da pynthymme ki leh ya ki wa kitkaam hapoh Ri-loom Jaiñtia.
Ha ka yalang wa pyllai da u ma M. Sayoo, da em leh u President ka party u Dr. Donkupar Roy Lyngdoh, u Embhah Syiemlieh MLA Mawlai Constituency, u Bindo M. Lanong, u Titosstarwell Chyne MLA Sohra, ki MDC JHADC wa KHADC kiwa man ki dkhot ka party wa kiwi de ki dkhot wa heh yong ka UDP.
Ha kani ka yalang waroh ki wa klam da booh ki ya ka thong wow pynku biang ya ka UDP sa chisien ha Ri-Loom Jaiñtia neibhah ha ka wi ka kynti ka UDP da jop suk ko ha waroh ki 7 tylli ki constituency.
U Embhah Syiemlieh MLA Mawlai hei klam yong oo da ong u wa ka UDP toh ka party wa pait ya i eh i khoo ki paidbah khamtam kiwa duh wa duk yow pynyoh kaam pynyoh khih ya ki.
Neilaing u Dr. Jemino Mawthoh won da ong u wa lait noh ka UDP ym em de kiwi ki party wa ye u jop ha kiwa boon ki thaw wei ka smat ko leh u ya krehlang wa kiwi ki party wa yatoh yumut lang ko.
U President ka UDP u Dr. Donkupar ong u “Wa boon ong ki wa ka UDP ym em bor de ko ha Jaiñtia Hills tangwa waroh ki party jooh em ki ka samoi wa rem ki kamwa jia ya ka Congress katni wei heiwa tlot ki wi emkaam leh ya i u kreh chitom yow pynjop biang ya ka UDP.”
Ha kani ka sngi da jied ya u Moonlight Pariat, MDC Jowai South kam u President thymme ka UDP ha ri-Loom Jaiñtia wei hei klam yong oo da ong u wa lada em ki kattu katni kiwa mih na ka Party tangwa emkaam u kynmoo wa lada mih u wi daw psiah da ki hajar ngut won.
Kiwa kitkaam thymme ya ka United Democratic Party (UDP) Jaiñtia Hills District kynthup ki ya u Chief Adviser u Mihsalan Suchiang, Adviser u Michael Sayoo, President u Moonlight Pariat MDC Jowai South, Vice President u Chemhok Garod MDC Nongbah Constituency, General Secretary u Kitboklang Nongtdu, Joint Secretary u Richdmon Kya wa u Onix Suchiang, Tresurer u R.K. Laloo, Auditor Chanki Lyngdoh wa u Konstan Sungoh.
Kiwa kitkam ka District Youth Wing, President Kynsai Bareh, Secretary Edy Shylla. Ki wa kit kam ka Women Wings, Chairperson kong Phrom Synnah, Secretary Silda Syngkrem.
Kiwa kitkam ya ka Farmer’s Wing won President u Chembha Kyndiah wa u Pyndapwanmi Shadap kam u Secretary.
Discussion about this post