15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Pynman yalang pynsñiawthooh paidbah ka NCCN yow yait na i chong kurim dang khynnah kamjooh wow yada yei hok ki khynnah

0 Comments

Jowai: Ka Namdong Christian Club Namdong – A, hei yakrehlang waka Nehru Yuva Kendra Sangathan Jowai da pynman ko ya ka yalang pynsñiawthooh paidbah ha ka 19 tarik hei yatoh wa ka phang “Child Labour & Early Marriage” heiwa da wan chimbynta chongchit ki khon khynroo ka chnong chynrang wa kynthai.

U Dawan Lyngdoh NYV – NYK – Jowai, da klam u chaphang i pynkreh ya ki khynnah wa ympu biang rta katkam ka aiñ kamjooh yei ktah i chongkurim hawa dang khian rta.

Advertisement ad1

Da batai bniah chooh chooh ya ini da u Jony Syntem uwa man kam u Field Supervisor yong ka Childline lyngba ka Jaiñtia Hills Development Society (JHDS) Jowai uwa da ong wa kat wympu dap 18 snem ymye u pynkreh ya ki khynnah ha ki dukan, ki karkhana wa kiwi kiwi neibhah ki khynnah emkaam u lai skur ki.

Da ong u leh wa ka sorkar da booh ko ki skur waphær waphær neibynta ki khynnah wa wan na ki manyung wa dooh wa duk yow lait ki u dam skur chiteiñ por deiwa lai kreh ki.

Hadien ini da yoh won ya i klam na u Francis Langlein uwa man kam u Cluster Coordinator Farm North East lyngba ka JHDS, Jowai hajrong ka phang chong kurim heipor wa dang man khynnah.

Da ong wa ymtoh u elaad wow jia ini neibhah ka aiñ leh khang ko ya ini, wei emkaam chwa nyngkong wow pyndep ya ka puræ puthi, wei manda biang i rta, i khih i khan wei hei yong samen leh man i kiwa chait wa khiah lym kamtæ ympu ye u pait khon, sumasr khon lada hei yong samen ympu biang.

Kiwa yoh kurim dang khian man ki leh ya yukit wa khia ya kiwa ha yung ha sem wei em ki por du na ini i daw ya ki khon haap phah lai kreh ki khlem lai skur yow ye u pyndap ha yung ha sem.

Kamtæ da kyntu u ya ki khynroo khyllood wow pyrkhat chwa ki ya ka mynried nadooh i puræ puthi hadooh i khih khan yow lait u silet hadien.

 

Previous
Next

0 Comments

Leave a Reply