U montri ka kaam pohyung ka sorkar jylla u Lahkmen Rymbui ynne ka sngi da pynman yalang u wa ki waheh chnong, kiwa dai dukan wa ki Wholesalers wa pynbiang yaki mar baam ha East Jaiñtia Hills District yow sñiawthooh yei rukom saam baam wa ekmaam hapoh ka District.
Ha kani ka yalang, u Lahkmen da pyntip u wa ka sorkar daw yarap ko yaki Wholesalers hei wow pynpoi yaki maar wa emkaam (Essential Commodities) yow lait na i duna ki mar baam. Da pyntip u leh wa ki bor District da dep ki wow jied ya ki thaw wow pynpoi mar kamjooh ki dukan ha kiwa boon ki thaw ka District yow pyntikna wa ki mar baam u poi ki cha ki paidbah.
U montri da kyntu u leh ya kiwa dai dukan wym toh u chimkabu ki deiwa dai syad yaki mar wei ka sorkar leh ka paitbniah ko ya i dor wa dai wei lada jia wa em wa ujor daw pynchitom ya kiwa dai.
U montri da phah u leh ya u Deputy Commissioner wow pyntikna wa biang i em poisa hapoh ki ATM ka District yow pynsuk yaki paidbah.
Ha kani ka yalang da emlang u Sniawbhalang Dhar, Transport Minister, u Kyrmen Shylla, Social Welfare Minister, u Shitlang Pale, MLA, wa u Wailadmiki Shylla, MLA.
Da emlang leh u F.M. Dopth, Deputy Commissioner, East Jaiñtia Hills District, u Vivekanand Singh, Superintendent of Police, East Jaiñtia Hills District wa kiwi kiwi de.
Discussion about this post