Pynmih biang ka Israel ya ka Map wa bakla ka India, paan maap won ko hadien

Ka Israel sa chisien da pynmih ko ya ka Map ka India da kawa bakla heiwa da pynyoo ya ka Jammu and Kashmir em ko ha Pakistan katwa ka Arunachal Pradesh won hapoh ka China.

Kani ka Map toh kawa da pynmih da ka Israeli Defence Force ha Social Media heiwa da kdaw katwon kynjoh ki Missile ka Iran hapyrdi ka thma hapyrdi kini ki ar ri.

ADVERTISEMENT

Ha kani ka Map da pynyoo ya ka Union Territory of Jammu and Kashmir wa ka Arunachal Pradesh da em ki chapoh ka China hanla man ki kam kiwa em hapoh India.

Hadien wa pynmih ya kani ka Map da mih i chah beiñ ka Israel heiwa da paan maap ko wei da ong ko wa ini toh i wow pynyoo ya ki thaaiñ donhi wei ymtoh u pood ki ri.

Related posts

Beiñ ka seiñ kiwa chongdai madan yei pynbaad ka HNLC pyrchah ya ka Angela Rangad

July 8, 2025

Chem ka MPUF wa kreh khaler ya u sarok Raliang-Nongkynrih hadooh Laskeiñ

July 8, 2025

Ini ymtoh ka seiñ wa nyngkong heiwa ka Israel ha u Naichiphaw da pynmih ko ya ka Jammu and Kashmir hapoh u pood ka Pakistan wei ini leh da mih i chah beiñ ka Israel khamtam wa u Prime Minister, u Narendra Modi toh uwa yajan bha wa u Prime Minister ka Israel, u Benjamin Netanyahu. 

Kam wow kdaw heini, i pynmih ya ka Map wa bakla ka India ye i wow wanrah ya i chah pynchitom deiwa chah kset wa 7 snem wa ka kuna wa Rs. 100 Klur katkam ka aiñ The Geospatial Information Regulation Bill 2016, heiwa da em leh ka kyndon wow pynmih ya ka Map ka ri du hadien wa yoh bor na ki bor sorkar.