U Actor na Thailand uwa tip kam u James Ruangsak da pynsñiaw u yei khyrngiat hadien wa em uwi donhi uwa lait im na iwa haap ka lieñsuiñ ka Air India ha Ahmedabad, Gujarat hadien wa oo leh lait im u hadien wa haap ka lieñsuiñ wa chong u iwa da jia 27 snem nachwa.
U James da khana u wa ha ka 11-12-1998 u da lait im u hadien wa haap ka Thai Airways Airbus A310-300 ha Surat Thani, Thailand wei iwa phylla toh wa oo chong u ha ka Seat 11A kawa man i jooh kam uwa lait im na ka lieñsuiñ ka Air India uwa chnong ha ka Seat 11A hi.
Ha ka lieñsuiñ ka Thai Airways da em 101 ngut kiwa yap wa 45 ngut kiwa mynsoo wei u James kam uwi na kiwa lait im da chong u ha ka Seat 11A.
Kam wow pynyknmoo wa u Vishwakumar Ramesh uwa em hapoh ka Air India Flight AI171 kawa da haap mar ya hær ko heiwa da pdung ko wei kiwa boon kiwa yap yoh kiwa da chah baam hei diñ, da ye u wow mih napoh ka lieñsuiñ deiwa lai dei bor yong oo hi khlem wa yarap ya oo.
Discussion about this post