U Lat ka jylla Manipur, u T. Rangjit Singh, ynne ka sngi da pynmih hukum u hadien wa da sih bha i long i man hapoh kani ka jylla hadien wa pynman ya ka lai paidbah “Tribal Solidarity March” ha ka 3 tarik uni u bnai yow pyrchah yei dawa tipmit noh ya ki Meitei kam ki Schedule Tribe ka jylla.
Kani ka hukum da e bor ko wa khnang wow pynkrehkaam ya ka aiñ wei wow wanrah yei suk i saaiñ. Ki District Magistrate, ki Sub-Divisional Magistrate wa waroh ki Executive Magistrate deilang wa ki Special Executive Magistrate toh wow pynmih hukum ki wow siat bait (Shoot at sight order) lada ym em laad de da iwi wow khanglaad ya kiwa kwah wow pynkulmar.
Ka hukum da ong ko wa ini toh u leh du kam ka kut laad hadien wa da leh waroh iwa toh u leh katkam ki kyndon ym krehkaam de ki katkam ki kyndon ka CrPC, 1973.
