theme-sticky-logo-alt
theme-logo-alt
Advertisement ad1
Advertisement ad1

Ym ye u chalan ya u moochuni cha baar ri da ka Minor Mineral License: High Court  

Advertisement ad1

Ka High Court ka Meghalaya da chong bichaar biang ko ynnin ka sngi ya ka mukotduma heiyatoh wa i chalan moochuni cha baar ri heiwa da kdaw ya ka Office Memorandum wa da pynmih da ka Ministry of Mines, ka sorkar India ha ka 25-07-22 kawa ong wa ya u jait moochuni wa tip kam u Kankar kamjooh ya u moochuni hi manda pynemkaam ha ki toskhana yow chna ya ki mar yow pynemkaam hawa chna yung daw kheiñ ya uni u moochuni kam u Minor Mineral.

Kamtæ da ong wa ini da klam che wa u moochuni toh u man u kam u Minor Mineral lada pynemkaam ya oo wow chna yung wei ka jylla da yoh nong ko da i chalan ya u moochuni cha baar ri tangwa ym ye won wow ong kammon da pynemkaam ya uni u moochuni manda poi u cha baar ri namo kayi katæ ka “End Use”.

Advertisement ad1

Kamtæ ka yung bichaar ong ko ym em i eh lada tih wei da chalan ya u moochuni kam u Major Mineral wei ka sorkar toh u pyntikna ko wa kitu kiwa em ya ka Minor Mineral Mining License ym toh u pynemkaam ki yow chalan cha baar ri.

Da klam che leh wa lada thmu wow chalan ya u moochuni cha baar ri daw kheiñ biat ya oo kam u Major Mineral wei toh u em da kawi won ka License wow leh ya ini kawa ka sorkar hap ko wow pynkhreh.

Ya kani ka mukotduma daw chong bichaar biang ha ka 27 tarik uni u bnai.

Share this:
Previous

Pyrchah ka HSPDP yei thmu wow booh Casino hapoh ka jylla

Next

Pynmih ka HC da ka Contempt Order pyrchah ya u Chief Secretary wym ye u khang yei tih mooyong