Pynmih ka sorkar jylla ya ka aiñ Social Audit wa nyngkong dooh hapoh ka ri India

Shillong: Ka yalang wa tip kam ka National Convention hajrong ka aiñ Social Audit on Meghalaya Community Participation And Public Grievances Social Audit Act, 2017 da pynman ya ka ynnin ka sngi da ka Meghalaya Society For Social Audit & Transparency ha Yojana Bhawan Auditorium, Shillong heiwa u Montri Rangbah ka jylla u  Dr. Mukul M Sangma da man u kam u kongsan.

Hei klam yong oo da ong u wa ka Social Audit da sdang nadooh u snem 2007 neibynta ka MGNREGA wei ka Social Audit toh ka bor wow pyntikna wa da pynkrehkaam hok ya ki Scheme sorkar wei neini waroh ki kaam wa pynkrehkaam ki tnat sorkar waphær waphær daw warah ya ki hapoh ka Social Audit.

“Ka sorkar em ko boon ki kaam wa pynkrehkaam ko yow pynyoh yeiwa thrang ki paidbah tangwa em ki por i thong ka sorkar wa ki paidbah ym poi thong ki wei mih i phær i rukom poi ka roi ka paar kamtæ emkaam wow pynman i rukom krehkaam iwa khooid wei ka sorkar da pynmih ko ya kani ka aiñ heiwa ki paidbah leh yoh ki u pynsñiaw yeiwa duna yow ye u pynbait ya iwa duna,” da ong u Mukul.

Da ong u leh wa yow ye u pynwiar ya ki kaam baam tooh emkaam i embynta ki paidbah wei da pynchlur u ya waroh wow wan ki chakhmat wow embynta ki ha kini ki Social Audit.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Kani ka aiñ da man ko leh ka sien wa nyngkong hapoh ka ri wa da pynmih da ka sorkar jylla.