Ka Ministry of Home Affairs (MHA) ka ri India ynne ka sngi da pynmih hukum ko heiyatoh kammon wow wai biang yaka ri hadien waka Lockdown kawa kattæ u kot noh ka mynstep ka 31 tarik tangwa ka Lockdown won haki thaw wada khang kset namo ki Containment Zone u pteiñ ko hadooh ka 30-06-20.
I rukom wai biang yaka ri kawa da e pyrtuid Unlock 1 da yabhah haki 3 bynta kitæ ka Phase I, Phase II wa Phase III.
Hapoh ka Phase I, nadooh ka 08-06-20 u chah u wai yaki thaw mane neibynta ki bru paidbah, ki Hotel ki Restaurant wa kiwi kam kini ki jait wa haap hapoh ka Hospitality Services. Da chah leh wow wai ki Shopping Mall. Kini toh u bood ki yaki kyndon ka Ministry of Health & Family Welfare (MoHFW) kawa daw pynbna yaki Standard Operating Procedures (SOPs) neibynta kini kiwa da kdaw heini yow pyntikna wa bood ki yaka Social Distancing yow lait nei poor u COVID-19.
Hapoh ka Phase II, ki thaw puræ wa kynthup yaki thaw e Training, Coaching Institution wa kiwi kiwi u wai yaki deiwa ya pynbait waki sorkar jylla kamjooh deilang waki manbei manpa wei deiwa pyrkhat ya ini daw chim yaka rai ha u bnai july.
Hapoh ka Phase III, daw rai yei chah u hær ki lieñsuiñ cha baar ri kamjooh kiwa wan na baar ri. I sdang biang ki Metro Rail, i wai ki Cinema Hall, Gymnasium, Swimming Pool, Entertainment Parks, Theaters, Bars, Auditorium, Assembly Hall wa kiwi kiwa sariem wa ini. Daw chim leh yaka rai kammon wow chah biang wow wai yaki yalang Social/Political/Sports/Entertainment/Academic/Cultural/Religious Functions wa kiwi ki yalang paidbah kiwa heh.
I krehkaam ka Night Curfew daw pteiñ hi ko ha waroh kawi ka ri nadooh 9 waje i miet hadooh 5 waje i step lait noh ya kitu kiwa leh yaki kaam kiwa ym hoi u dam wei kiwa emkaam.
Da e bor leh yaki jylla wow khang leh ya ki kaam wa da chah u leh katkam wa sñiawemkaam ki.
Da chah leh wow lai na kawi ka jylla cha kawi kamjooh hapoh ka jylla yaki bru kamjooh leh yaki mar wei ym emkaam wow yoh bor wow leh ya ini. Tangwa e bor hi leh yaki jylla wow khang wow booh yaki kyndon deiwa pyrkhat ya i chait i khiah deiwa pynbna paidbah yaki kyndon wa da booh.
I lai ki rel wa kit bru, ki Shramik Special Train, ki lieñsuiñ wa kit bru hapoh ka ri, i lithooh yaki tre ri kiwa sahkut cha kiwi ki ri u pteiñ hi i deiwa bood yaki kyndon wada booh chwa.
Ym chah yaki jylla wow khang ki yei lai i wan ki mar khayi pateiñ haki Land Border waki ri wada em ka ya soi soskular.
Ki bru wa em 65 snem chaneiñ khamtam kitu kiwa em chwa i chitom, ki kynthai wa punkhon, ki khynnah hapoh 10 snem toh u neh ki hapoh yung lait noh wa lai emkaam ki heiyatoh wa i chait i khiah.
Ki sorkar jylla toh u bood ki thij ya waroh kini ki kyndon wei ym toh u pyntlot ki wei ki District Magistrate toh u pyntikna ki wa kini ki kyndon waroh toh kiwa krehkaam.
Kiwa leh pyrchah daw pynchitom katkam ki kyndon aiñ.
Discussion about this post