Pynngat kyndon ka yung bichaar pyrchah ya ka Sonam wa soo ngut kiwi wa emkti hei pynyap ya u Raja

Ka District and Sessions Court, Shillong da pynngat kyndon namo ki Charges pyrchah ya ki san ngut kiwa da chah pynbaad emkti wow pynyap ya u Raja Raghuvanshi iwa da jia ha ka 23 tarik u Naisan uni u snem.

Ka Sonam Raghuvanshi, u Raj Kushwaha, u Vishal Chauhan, u Akash Rajput wa u Anand Kurmi da chah pynngat ki hapoh ka Section 103(1) (iwa yatoh wa i pynyap bru), Section 238 (a) (i murieh ya ki sabut) wa 61(2) (i sooh buit yow pynyap bru) ka BNS.

Kam wow pynkynmoo wa ka yung bichaar ini wa dep da kyntait ko wow e jamin ya ka Sonam hadien wa ki pulit da e ki ya ka Charge Sheet wa 790 sla.

Heipor wa wiar ka Sonam wa u Raja da pynsihnaam ko ya ka jylla heiwa kiwa na baar da pynbaad ki ya ki tre chnong tangwa hadien wa chem wa ka Sonam dang im ko wei da krehlang ko wa kiwi yow pynyap ya u Raja, da hap paan maap kiwa boon wa pynbaad bakla ya ka jylla.

Related posts

Chah pyndam ka jamin ki 7 ngut deilang u waheh chnong heiyatoh wa i yap uwi nei chah dat

January 12, 2026

Kam u Trump wa oo toh u Acting President ka Venezuela

January 12, 2026

Ya u Raja da chah pynyap u ha ka thaw pynyieñ kari ka kchaaid Wei Sawsong heiwa da pam ya oo da ka wait na khlieh da ki le ngut kiwa da phah u Raj kitæ u Vishal, u Akash wa u Anand wei hadien ini da noh ki yei metyap chapoh synrang.

Ki pulit dang pynkhreh ki ya ka Charge Sheet pyrchah ya kiwi ki le ngut won kiwa kynthup nadooh u tre i yung wa rieh ka Sonam ha Indore, uwa pynyoh thaw sah wa u Security Guard heiwa kini da chah pynbaad ki wow murieh ya ki sabut nadooh ka Laptop, ki ksiar wa ka poisa. Kini toh u Silome James, u Lokendra Singh Tomar wa u Balbir Ahirwar.