15 49.0138 8.38624 1 1 4000 1 https://wyrta.com 300 0

Pynpoi ki khon ka Raij Jowai ya ki Dieñkhlam ha jar jiar ki chnong

0 Comments

Jowai: Ka lehniam Behdieñkhlam ka Raij Jowai ynne ka Musiang dang step da pynyieñ ya ki Dieñkhlam ka Bon ha yong Rngad Wah, ka Doh ha Yung Langdoh iwa pynbood ya ki Dieñkhlam khian ha man la ki thyndai yung. Hadien wa da pynyieñ ya ki dieñkhlam khian, ki Khonraij da mih ki wow lithooh ki ya ka Symbood Khnong wow pynyieñ ya ka ha Khliehchnong.

Heipor chiteiñ sngi won ki Kmai Raij da yachem lang ki ha Myngkoi Pyrdi, Iongpiah wow pynkhreh u lithooh ya ki Dieñkhlam heiwa da em ka yalang wa tbian wei manda kut kani ka yalang da lai ki cha Iawmusiang wow rah ya ki Dieñkhlam heiwa da chaad leh ha waroh ki thaw lehniam ka Raij kam ha Biar ka Blai, ha Datlawakor, wa kiwi kiwi ki thaw.

Hadien wa da pynpoi ya ki Dieñkhlam ha Madansiatthong ki Khonraij da lai li thooh ki ya ka Khnong Blai na Loom Sooiung yow rah ya ka cha Madan Poh-Sawiar.

Manda poi ha Madan Poh-Sawiar u Dolloi da e u yei ngooh i dem wei da ekti u yei pyrnah Khnong Blai ha u Kñi ka kur Nikhla wow e u ka ngooh ka dem wa ka suit ka choor ha ka Khnong Blai yow e ngooh ya ki Blai ki Syiem wei manda dep neini ki Khon ka Raij da rah ki jar jiar ki Dieñkhlam.

Ki khon ka Raij da rah ki ya ki Dieñkhlam nadooh na Madansiatthong, ha Biar-ka-Blai hadooh wa poi jar jiar ki chnong yong ki yow pynyieñ ya ki Dieñkhlam.

Ki Khonraij da rah won ki ya ka Khnong Blai wow pynpoi ya ka ha Madan Moosyiem, wa em haphrang ka Yungwalieh ka Chilliangraij.

Advertisement ad1

0 Comments

Leave a Reply