Pynrem joor ka AJYWO yei chah ksohbor wei chah tynyap ki arngut ki khynnah

Jowai : Ka AJYWO Central Body ha ka khubor wa da pyllait da u president ka seiñ u Hamrich Dkhar da pynpynrem joor ko hei chah ksohbor wei chah tyniap dusmon ki arngut ki khynnah ha East Jaintia Hills District kiwa dang 3 snem wa kawa 11 snem i rta ha u Emvyris Dkhar yow wa da sin leh kam u Micheal Dkhar.

“Kani toh ka kaam ki brukhloo wa ki ksuid kiwa ym em mynsien bru de kawa pynwiar yei mynsien ka imlang sahlang, khamtam ya ki khynnah, weiwa emkaam u pasi noh ya uni u bru” da ong u M.H Dkhar, President yong ka AJYWO Central Body.

Heijooh i por ka seiñ da pynrem joor ko leh ya i chah tyniap dusmon kawi ka manbei na ka chnong Tuberkmai Chnong ha ka 24 tarik u Duyatra.