Pynskem ka FKJGP ya kiwa kitkaam ka Jowai Circle

Ka Federation of Khasi Jaiñtia & Garo People (FKJGP) West Jaiñtia Hills District ha kini ki sngi wa dadep da pdiang ko ya chiboon ngut ki khynroo wa thmu wei em i kitkhlieh neibynta wow chakri ya ka jaitbru lyngba ka seiñ.

Ha ka 14 tarik uni u bnai ka seiñ da pynthymme wei pynskem ko ya kiwa kitkaam ka Jowai Circle heiwa da pynman ya ka yalang ha Office ka seiñ iwa em ha chnong Mihmyntdu ya kawa da pynlai da u Nangkhraw Rani, General Secretary ka FKJGP West Jaiñtia Hills District, heiwa da yoh i klam na u Marhok Marboh, President FKJGP West Jaiñtia Hills District wa u Phrangki Kyndait, Vice President FKJGP West Jaiñtia Hills District.

Chwa u pynskem ya ki dkhot wa kiwa kitkaam ka FKJGP Jowai Circle da yoh i klam wa bniah na u Kitboklang Nongphlang, Vice President FKJGP Central Body uwa man leh u In-charge ka Jaiñtia Hills Zone heiwa da ong u wa ki 37 tylli ki snem nadooh wa sdang ya ka FKJGP da em ki dkhot wa kiwa kitkaam kiwa kreh ka’it mynsien ya ka seiñ hapyrdi i eh i khor wa boonjait.

Da kdaw u leh ya ki mat wa kreh ka seiñ nadooh i wan ki baar jylla, i yada ya ka jaitbru, ka imlang sahlang, i chngaaiñ wa kiwi kiwi.

Kiwa kitkaam wa thymme ka FKJGP Jowai Circle man ki kamni ha wah:

1. President: U Chantre I Nuni Siangbood

2. General Secretary: U Wankit Ryntathiang

3. Asst. General Secretary: U Arwotki Bareh

3. Organising Secretary: U Chibait Lamare

4. Asst. Organising Secretary: U Shining Star Shylla

5. Information Secretary: U Philander Ryngkhlem