U Tourism Minister ka jylla, u Paul Lyngdoh da ong u wa man u uwa smat wow yaklam wa ka Joint Action Committee (JAC) du lada bien ki wow ap khlem da pynawri.
Da ong u wa ym em wit u lada wan yaklam ka JAC tangwa u wan ko dei sñiawthooh wei emkaam u ap wei burom mar kylliang.
Chooh chooh da ong u wa emkaam u mih i myntoi nei yaklam heiwa ki leh emkaam u ap ki ya ka sorkar neibhah wym jooh khang ko ya ka dwar ko.
Da sihlet u wow yoo wa sepai i yaklam ha ki por wa dadep heiwa u Minister, u Sanbor Shullai da khut u ya ki dkhot ka JAC wow yaklam tangwa da man iwa mar dei kangtleiñ.
U Paul da ong u wa ha katu ka yachemlang da kbai da awri donhi khlem em de wa sñiawthooh iyi iyi leh.
Heijooh i por da kdaw u wa kani ka Project toh kawa nadooh u snem 2022 heiwa ya ka soskular MoU da soi ha ka 16 tarik u January 2023, heipor wa man u dang du kam u kyrtong cha ka Assembly Election.
Da pynrap u leh deiwa kylli weileh ym klam ki yeiwa klam ki katni dang neitu i por iyi iwa da jia nadooh u 2022 hadooh katni.
U Paul da ong u wa da chimkti u ya ka Tourism Department ha u 2023, wei da man u kam u Minister kamwa ar snem chiteiñ wei ym em wa wan pynsñiaw yeiwa wit wa chon ki ha mynsien ha kitu ki snem.
Heiyatoh wa i kyrriah ya ka Project chawi, u Paul da ong u wa ini ymtoh iwa ye u ah dep tæ biah namo ka Cut-and-Paste donhi.
Discussion about this post