15 49.0138 8.38624 1 0 4000 1 https://wyrta.com 300 0

Pynskem ka PDF ya kiwa kitkaam ka East Jaiñtia Hills District Committee

0 Comments
Advertisement ad1

Jowai: Ka People’s Democratic Front (PDF) ynnin ka 15 tarik da yoh ko wow pynskem ya kiwa kitkaam ka PDF East Jaiñtia Hills District Committee ha ka yalang ha Khliehriat West Community Hall. Kani ka yalang pynskem kitkaam man ko leh kam chibynta wow pynkhlan ya ka Party ha ri-loom Jaiñtia wei wow pynkhreh ya ka Election MDC cha ka Khasi wa Jaiñtia Hills Autonomous District Council ha u snem wow wan.

Ha kani ka sngi da em leh u Banteidor Lyngdoh, uwa manleh u montri sorkar jylla wa pait ya ka chnat Sports and Youth Affairs, Agriculture, MLA/MDC ka PDF na Mawkynrew Constituency, u Gavin M Mylliem, MLA ka PDF na Sohra, u Ivanlumlang Marbaniang President PDF, u Auspicious Lyngdoh Mawphlang, General Secretary ka PDF, u Aibor L Nonglait, Finance Secretary ka PDF deilang wa kiwa kitkaam na ki PDF Zonal Committee Khliehriat wa Sutnga Constituency kiwi kiwi.

Advertisement ad1

Ya ka yalang da pynlai da u Peristar Rymbai, wei neiliang u Aibor L Nonglait, Finance Secretary, da ong u, “I skhem i ya ka hok mantre hajrong ka khyndaw ka chyiap ya katni wei kamwa da yoo yei khang tih mooyong da ki bor aiñ kiwa na baar. Ka Party ka yieñ wow pynskhem ya ka hok mantre lyngba ki aiñ ki wym ksih yei hok kiwa wan nawi nawi yom man hi i kam ki kynrad.”

U Auspicious Lyngdoh, General Secretary, u wow yakhun Election MDC na Mawphlang-Diengiei Constituency, da ong u, “Ka PDF da mih ko neidaw wa da yoo wa kiwi ki seiñ saiñ pyrthai ymye ki u leh iyi iyi leh yei chem chitom ki paidbah, i em kattu sadu khajiak donhi i por wow pynkhreh ya ka Election MDC 2019 wei sñiaw skem i ya ka ri yong ki lyngba ki aiñ yada”.

U Gavin M Mylliem, da ong u, “I yoh Vote ka PDF ha ka Election MLA wa da dep da poi cha ka 1,28,000 tam wei i kreh chitom kiwa kitkaam ka Party da pynman ko leh wow tipmit smat ka Election Commission of India du hapoh chi snem wei ka Party da yoh ko soo ngut ki MLA”.

“Kani ka Party kawa yaklam hajrong i chah ksih bor ki Rangbah Shnong heipor wa em hei bor ha ka KHADC. Kamtæ ha ka Election MDC wow wan, emkaam i ya kiwa mihkhmat ki wow ya saaid wow pynskem ya ki kyndon ka Sixth Schedule.” ong uni u MLA.

U Banteidor Lyngdoh ha i klam yong oo da e khublei u ya kiwa kitkaam deiwa ong, “I chemphang wa ki phang yaklam wa em yurim pynkhlan ki ya ka Party wei ym jooh em Party wow jop soo ngut ki MLA mar ya sdang wei ym toh u bood kulmar ya kiwon kiwon ki Party khlem ki yurim kiwa biang”.

“I em i ka thmu wa bha dooh wow kreh neibynta ka jylla waroh kawi wei kam ka jaitbru da maad i yei eh nadooh u snem 2014. Ki bei ki pa da haap ki wow pynpep skur neidaw wym biang ka yoh ka kot khamtam hadien wa khang yei tih mooyong tangwa yow pyndooh yei ni i eh, haap bood wei haap chna i ya ka aiñ khnang wow man ko kawa lai bait lai ryntih.” ong u Banteidor.

Ya kiwa kitkaam da pynskem da u Ivanlumlang Marbaniang, President PDF wei ya ki ktien baam smai da yahkhmat da u General Secretary, u Auspicious Lyngdoh Mawphlang.

Kiwa kitkaam man ki kamni hawah:

President- U Shiborlang Lamare.

Vice President- U Sambha Pakem.

Working President- U Peristar Rymbai.

General Secretary- U Bisharbha Pala.

Assistant Secretary- U Shibun Tlang.

Joint Secretary- U Blising Bareh.

Organising Secretary- U Heb Shulet.

Publicity Secretary- One-way Tlang.

Financial Secretary- Seven Paslein wa ar ngut kiwa e buit u Nespecial Latam wa u Riew Dkhar.

0 Comments

Leave a Reply