Jowai: Ka Seiñ Kur Dhar, kawa tip kam ka Lympung Lum Kur Dhar, Jaintia Hills kawa da seiñ nadooh u snem 1990 da Register ya ka hapoh ka Meghalaya Society Act nadooh u snem 2005 da lai pynskem ko ynne ka sngi ya ka Zone krehkaam yong ka ha Amlarem kawa e pyrtuid Lympung Lum Kur Dhar Zone-I heiwa ka Head Quarter yong ka toh ha Amlarem.
Ya kani ka Zone da wan pynskem da u President yong ka Kur Dhar u R. Dhar, chirup i ya emlang ki kiwa krehkaam yong ka Kur na ka Central Body na Jowai wa kynthup ya u General Secretary u D. Dhar, Adviser, u D.B. Dhar wa kiwi.
Kiwa kitkaam yong kani ka Zone-I toh kamni, Chairman u Wansalan Dhar, Vice Chairman u Phermon Dhar, Secretary u Sebius Dhar, Asstt. Secretary u Francis Dhar, Publicity Secretary u Donbok Dhar, ki Adviser u Rai Dhar wa ka Duwan Dhar, Treasurer ka Rida Dhar, chirup wa 11 ngut ki Executive Member.
Kamwa pynkynmoo wa nachwa ka War Jaiñtia em ko ya ka War Jaiñtia Circle, neibynta i pynbha ya i rukom krehkaam da chna noh da ka Zone.
Discussion about this post