Shillong: U MDC ka Jaiñtia Hills Autonomous District Council (JHADC), u Lakhon Biam da kyntait u wa i psiah yong ki soo ngut ki MDC ka UDP cha ka BJP toh nei wym em poisa ka Council.
U Chairman ka JHADC da kubur u wa ka Council dooh poisa ko wei emkaam yarap na ka sorkar pyrdi wei i psiah ki soo ngut cha ka Party wa synchaar ka ri India daw yarap i ya ka Council.
Da ong u wa i psiah cha ka BJP ymtoh wow pynhaap ya ka Executive Committee ha JHADC, tang wow pynkhlan chooh chooh ya ka liang synchaar dei kyrchaan ka sorkar pyrdi.
U Lakhon da ong u wa kamwa man katni ka JHADC ymyoh ko wow su tulop cha ki wakreh wa kynthup ya ki MDC la san bnai kattu iwa man i lut wa T. 7 klur chibnai.
Heiyatoh won wa i maham ka UDP wow phah dam noh ya oo na i kaam Chairman ka dorbar JHADC, u Lakhon da ong u wa biang yow lait u em iwon iwon i thmu wow tympra ya ka EC kawa katni, tangwa chong leh hei yah ka Party wa kam ki MDC u ngait ki ya ki heh ka Party.
Discussion about this post