U Montri Rangbah ka jylla, u Conrad K Sangma da ong biang u wa ymye wow pyndam noh ya ka aiñ yakhle namo ka Meghalaya Regulation of Gaming Act, 2021 neibhah ya kani ka aiñ da wanrah wow booh ya ki kyndon neibynta ki kaam yakhle wa da em chwa.
Da ong u wa i wanrah ya ka aiñ yakhle toh wow pait ya ki kaam yakhle kiwa da em chwa kiwa da pynlai pyrchah aiñ waroh chi kattu, wei ka aiñ yakhle daw yarap ko leh wow khanglaad ya ki tre chnong wow yakhle næ yathong yakhle.
Da ong u wa mih i kylli heiyatoh wa i sdang ya ki kaam yakhle wa thymme kam ka Casino tangwa neibynta ini ka sorkar klam che ko wa ym lai ko chaphrang kat hadooh wa ympu yasyllok wa waroh kiwa embynta wei ka sorkar daw chim ko ya i rai.
