Pynsñiaw ka seiñ kynthai ha ka Fact-Finding Committee yei pyrchah ya ka Shree Cement

Ka Meghalaya Indigenous Women’s Council (MIWC) da lai e kti ko da ki kot ki sla cha ka Fact-Finding Committee ynne yow pyrchah ya ka Shree Cement Ltd neidaw wa chah ktah kiwa chong chnong ka thaaiñ waroh kawi lada e laad ya kani ka karkhana u krehkaam ko ha ka thaaiñ.

Ka Bythygrace Dkhar kawa man ka President yong ka MIWC, da ong ko wa da pynbiang lut ya ki kot ki sla hajrong ka yurim wa pyrchah wei kamjooh i chah leh embor yei thaw yong kawi ka manbei, heiwa da pynyoo leh ya ki Video wa da riñ ya iyi wa da jia ha Lad Tongseng ha ka sngi wa pynman ya ka Public Hearing ka Shree Cement.

Related posts

Iñ ka rel Amritsar–New Jalpaiguri Karmabhoomi Express

November 6, 2026

Jop ka Jaintia HS School ha ka Hackathon, ka Mookyndur Sec. School ha ka Creative Writing

November 6, 2026

Da ong ko wa lada e laad ya ka Shree Cement ym du ka Elaka Nongkhlieh wow chah ktah neibhah da yoo iyi wa jia ha Elaka Narpuh.

Kamtæ da ong ko wa lada wan ka Shree Cement ym ktah du ya ka Elaka Nongkhlieh tangwa daw ktah ko ya waroh kawi ka District, neibhah ym ye wow kdoh u khoom yei pyntngit ya ka la-ær, ki um ki wah du hapoh ka Elaka Nongkhlieh wei daw ktah ko leh ya kiwa chong chnong wa im deiwa rep ha katai ka thaaiñ.