15 49.0138 8.38624 1 0 4000 1 https://wyrta.com 300 0

Pynsñiaw u Conrad yei sñiawkmen wa lai bait ka sngi nyngkong wa hær na Kolkata cha Shillong

0 Comments
Advertisement ad1

Jowai: U montri rangbah ka jylla u Conrad Sangma da pynsñiaw u yei sñiawhun ya ka sngi nyngkong wa hær ka lieñsuiñ ka Indigo Airline na Kolkata cha Shillong ynne ka sngi wei da poi suk poi saiñ ha Shillong.

Hawa yaklam wa kiwa pathai khubor ha Umroi Airport ynne ka sngi, neiliang u Conrad da ong u wa ini daw pynku ko ya ka kaam uiñke suwari hapoh ka jylla ka kiwi ki jait kaam leh kamjooh wei da yooluti u leh wa kiwi leh kiwa pynlai ya ki lieñsuiñ daw bood ki ya ini i jooh wei neiliang ka sorkar jylla da kreh chitom ko ha kini ki chi snem tam wow pynyoh ya ini.

Advertisement ad1

Da ong u leh wa ka thong neini chakhmat toh wow pynyabi ya kiwi leh ki sorbah ka ri waka Shillong wei da e khublei u leh ya ka Indigo Airlines wa da chim ko ya kani ka rai kawa katni chwa kamjooh yaka sorkar pyrdi kawa da chimkhia ya kani ka kaam.

Chooh chooh da ong u wa kwah u leh wow booh ya ki Airport ha kiwi ki bynta ka ri.

Heiyatoh won ka lieñsuiñ wa pynemkaam katni da ka Indigo katni da ong wa kawa ye u kit kamwa 70 ngut tam ki bru wei ynne ka sngi nyngkong kamwa 90% man kani ka lieñsuiñ kawa dap bru.

Da ong u leh wa ynne ka sngi deiwa yoh u hiar bait ha Shillong da lait kamwa 3 hadooh 4 kynta wow pynlut por wow lai na Guwahati cha Shillong.

Also Read: U sdang ka Indigo wow hær man ka sngi na Kolkata cha Shillong

Advertisement ad1

0 Comments

Leave a Reply