15 49.0138 8.38624 1 0 4000 1 https://wyrta.com 300 0
Advertisement ad1

Pynsñiawthooh paidbah ka NYK hajrong i ktah i chongkurim dang khian ha Mukhla Nongrim

0 Comments
Advertisement ad1

Jowai: Ka Nehru Yuva Kendra Sangathan Jowai ha kani ka 17 tarik da pynman ko ya ka District Convention Programme wa chi sngi ha ka chnong Mukhla Nongrim, West Jaiñtia Hills hajrong ka phang i katah i chong kurim chong kha wa dang khynnah (Early Marriage) wei ya kani ka yalang da pynlai da ka Ribakordor Lyngdoh, NYV Jowai, wei da yoh leh ya i ktien pdiang burom na u waheh chnong ka Mukhla Nongrim ya waroh kiwa wan ya chimbynta wei hadien ini da yoh ya i klam na u Dawan Lyngdoh NYV Jowai hajrong i rukom krehkaam ka NYK.

Da ong wa ka yungkrehkaam ka NYK toh kawa pait kyrpang ya ki khynroo khyllood ha ka imlang sahlang wa kammon u riñ ya ki wow man ki kam kiwa yahkhmat ha ka imlang sahlang wei kammon wow lait na i myllien ya ki kaam wa sih deiwa pynman ya ki yalang pynsñiawthooh paidbah waphær waphær khamtam cha ki thaiñ nongkyndong wow sdang ya ki Youth Club wa kiwi kiwi ki seiñ kreh mon sñiawbha hapoh ki chnong ki thaw khnang wa ki u ye ki yieñ ha ki yong ki hi ki kjat wow yoh ki leh ya ki laad yarap.

Hadien ini da yoh ya i klam na ka bru wa chemphang ka Rida Kjam kawa batai che ya kiwa chimbynta ha kani ka yalang chaphang i chah ktah manda chong kurim khlem da biang rta wei man ko leh pyrchah ya ka aiñ wei ktah ko leh yei chait i khiah yong ka kynthai kamjooh leh ya ki chynrang, ktah ko leh ya ka yoh ka kot wa i heh i san yong ki khon ki kti neibhah pynda ki yaki leh dang ym pu biang bha i sñiawthooh wei haap kit won ki sa ka lyngkor wow manbei manpa kamtæ ha kiwa boon ki por wanrah ko yei eh ha ka yung ka sem wa ha ka imlang sahlang leh kamjooh.

Hadien ini da yoh won sa ya ka bynta wow ya phyllu yumut heiwa ki khynroo khyllood wa emlang ha kani ka sngi da yoh ki u kylli yei wym sñiawthooh ki wei da yoh ki leh yei pynche.

Ha chwa wow pynkut ya kani ka yalang da yoh ya ki kyntien e khublei na ka Priscila Suting, NYK Jowai.

Advertisement ad1

0 Comments

Leave a Reply