Pyntam kiwa na Sabahmuswang ha ka yaphet Marathon ha Jowai

Ka NPYF Women’s Wing ka 2-Jowai Constituency hei step ka 14 tarik uni u bnai kam chibynta i lehkmen ya ka 80th Independence Day 2026, da pynman ko yei yakob phet Marathon wa tip kam ka “Develop India Marathon” hajrong ka phang “Run for honouring freedom inspiring the future”.

Ha kani ka yakob da chimbynta du ki paaid ka 2-Jowai Constituency kiwa em palat 18 snem chaneiñ kynthai wa chynrang.

ADVERTISEMENT

Da sdang ya kani ka Marathon na Kiang Nangbah Stadium deiwa phet lyngba ka Salini Colony deiwa mih cha GHM Guest House, yingkieñ Myntdu neitæ lyngba ka Jowai Bypass na Chahtngit wei mih won cha Stand War, DC Office, Gate Laban, New Hill, Ladthadlaboh wei da pynkut ha Kiang Nangbah Stadium.

Kiwa jop ha kani ka Marathon neiliang ki chynrang da em 5 ngut kiwa na ka chnong Sabahmuswang wa kynthup ya uwa yoh 1^st Place- u Sienmiki Kyndait, 2^nd Place- u Niawda O Dkhar, 3^rd Place- u Khainli Shylla, 4^th Place- u Phrangi Lyngdoh wa uwa yoh 6^th Place u Heibormitre Dkhar katwa uwa yoh 5^th Place won toh u Kune Phawa uwa na ka chnong Ialong.

Ha ki kynthai won da yoh 1^st Place ka Marwa Shylla, 2^nd Place ka Happiness Phawa, 3^rd Place ka Phrui Phawa kini waroh le ngut toh kiwa na Sabahmuswang, hei 4^th Place da yoh ka Romika Pyrtuh na ka chnong Sohmynting, katwa heiwa 5^th Place da yoh ka Thrgesa Kyndait, hei 6^th Place ka Ibalda Rymbai wei kini ar ngut toh kiwa na Mihmyntdu.

Na kiwa heh rta dooh yong ki chynrang da yoh u Riki Lywait uwa na Iawmusiang, Jowai, katwa kiwa heh rta dooh yong ki kynthai da yoh ka Romika Pyrtuh kawa na Sohmynting.

Related posts

Da 17-0 jop ka Khliehriat West ya ka Dhana ha ka 1st Division, jop ka Byndihati ha ka Super Division ka EJHDFA

October 22, 2026

3rd Division ASSA: Jop ka Padu Shnongpdeng khlem wa em jop ha ki ar tylli kiwi ki yalehke

October 22, 2026

Ki 6 tylli ki Prize wa da saam toh cha kiwa yoh 1^st Place kiwa yoh Rs. 7000, kiwa yoh 2^nd Place Rs. 5000, kiwa yoh 3^rd Place Rs. 3500, katwa ya kiwa yoh hei 4^th , 5^th wa 6^th Place da yoh ki mar Rs. 1000 samen.

Ha ka yalang tbian i saam Prize, da emlang u kongsan, u Lamphrang Pohktai, Divisional Soil & Water Conservation Officer, Jowai Plantation Crops Division Jowai deilang kiwa yahkhmat ka Party NPP nadooh u Octomewot Lamin uwa man leh u Nominated MDC JHADC wa kiwi kiwi kiwa ksohkaam yong ki chnat waphær waphær ka Party.