Pyntam kylla ka Nagaland ya ka Meghalaya hadien ka Follow-on ha ka Ranji Trophy

Shillong: Ka Nagaland ynne da leh bha ko wow pyntikna wa ka yalehke pyrchah ya ka Meghalaya ha ka Ranji Trophy wa pynman ha Shillong u poi ko cha ka sngi wa soo kawa man leh ka sngi wa khaddooh.

Ha ka First Innings ka Nagaland da ye ko u kamai du 106 Run hawa kdong ya ka 389 Run wa kamai ka Meghalaya, ka Nagaland da sdang ko ya ka sngi wa le da 31/0 wei da pynkut ko 332/8, iwa tam 49 Run ya ka Meghalaya heiwa u Abrar Kazi da kamai u 129 Run khlem haap ka Wicket u.

U Nitesh (38) wa u Sedezhalie (68) da kamai lang ki 67 Run ya ka Wicket wa nyngkong tangwa ka yeiñ lang ya ka Wicket wa san hapyrdi u Kazi wa u Paras kawa yarap ya ka Nagaland kiwa da yohlang 140 Run chwa wow haap u Paras ha uwa kawang bol u Gurinder Singh.

U Kazi yow yoh ya ka 140 Run da dat u 15 tylli ki 4 Run wa le tylli ki 6 Run wei ka Nagaland da yooluti ki wow pteiñ u yeini katwa ka Meghalaya won da yooluti ko wow pynhaap smat ya ki ar tylli ki Wicket kiwa dang sah mynstep.

Related posts

Rah ka Kur Nongtdu (Pyllun) ya ka 10th Open To All Knockout Football Tournament Fixed Prize Money 2026

July 13, 2026

Psiah Semi ka 12 Daloi ha ka Veterans Football Knockout Tournament ha Wahiajer

July 11, 2026