theme-sticky-logo-alt
theme-logo-alt
Advertisement ad1
Advertisement ad1

Khuk yachem u Bajop ya u Vincent chwa wow lai e chithi mih noh na ka Congress

Advertisement ad1
Advertisement ad1
Advertisement ad1

U MDC na Rambrai-Jyrngam, u Bajop Pyngrope ynne ka sngi da lai booh u ya ka chithi ieh kaam na ka seiñ Congress deilang wa ki wakreh wa kiwa hakhmat ka Congress yong ka Rambrai Block.

Ha i por wa u Bajop da lai u wow booh ya ka chithi iehnoh kaam ha Congress Bhavan, Shillong da yachem u leh khuk ya u President ka Meghalaya Pradesh Congress Committee (MPCC) u Vincent H Pala hakhmat katai ka yung krehkaam, heiwa da khana syndon u ya u Pala wa daw mih noh u na ka Congress heiwa u President ka MPCC leh da e khublei kti deiwa rhkhai wei deiwa thaap thympha.

Advertisement ad1

Hawa klam wa ki laad pathai khubor, u Bajop da ong u wa najrong kiwa kitkaam, ki dkhot ka Rambrai Block Congress kiwa dang sah leh ha ki kajiak sngi daw wan ki u pynyabi lang noh cha ka NPP.

Da ong u wa kamwa man katni, ka Congress da mylliñ ko ya ki sim kiwa dem, wei da lai beh ko ya ki sim kiwa hær, deiwa pynrap wa ki 5 ngut ki MLA toh kiwa kreh chitom bha neibynta ka Congress, wei toh i hok yong ki wow lai kyrchaan ya ka sorkar. Da ong chooh chooh wa i rai wow pyndam chipor (Suspend) ya ki 5 ngut ki MLA na ka Party man ko iwa bakla wei ini i rai da pynhiar arsut ya ka Congress.

U Bajop da pyntip u wa da em u waka Congress la 8 snem wei da kreh u kam uwa yahkhmat ki khynroo, heiwa da pynsñiaw u yei budnood wow mih na ka Congress, tangwa da ong u wa hawa pait ya ka Congress katni da pyndooh mynsien ko ya ki khynroo neibah i yachrut para kiwa yahkhmat ka Party da pynman ya ka Congress wow pra ko hadooh katni. Da ong u wa i yachrut ym toh du hapoh ka jylla, tangwa wot hadooh ha Delhi wei ini toh iwi na i daw wa pynman ya oo wow mih na ka seiñ Congress.

Share this:
Previous

Pynthut u slap ya ka yalehke ka Nokrek Tigers waka Myntdu Lions

Next

Wa chimkhia wow pynbait ya u pood, daw psiah NPP noh u Bajop Pyngrope