15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pynthymme ka AJSU ya u president yong ka

0 Comments
Advertisement ad1

Jowai: Katkam ka khubor wa da pyllait da u Publicity Secretary yong ka seiñ All Jaiñtia Students Union (AJSU) Seiñbei u A. Timung. Ka seiñ da dep jied ko ya u Bantei Sari kam u President wa thymme yong ka seiñ AJSU Seiñbei ha ka CEC Meeting kawa pynman ha ka 14 tarik uni u bnai hapoh ka yungkrehkaam yong ka seiñ.

Ka CEC da jied ko leh ya u President warim uwa jooh man leh kam u Chief Adviser warim ka JSU Seiñbei u Elnathan Pale wow man u kam u Chief Adviser yong ka AJSU Seiñbei.

Ynnin ka sngi won ha yung krehkaam ka seiñ ha Jowai, u President warim ka AJSU seiñbei u Eleazer Christopher Dkhar da e kti u ya ka kaam wa jooh ksoh u kam u President yong ka seiñ cha u Bantei Sari kam u President wa thymme yong ka seiñ AJSU Seiñbei.

Ha kani e kti yaka kaam President wa thymme da emlang u Chief Adviser u Elnathan Pale, u PS Phawa Working President, u Lucky Phawa General Secretary, u Bantei Ksoo Finance Secretary wa kiwi ki Circle wa ka Unit ka seiñ.

U President warim da pyn-eh bok eh nasib u ya u President thymme wei da e mynsien u wow leh ya ki kaam wa bha wow man leh u bru wa tip bru tip blai khmtam ha ka ktien ka thylliej.

Da ong u leh wa ha ki kaam chakri paidbah daw chem boon i chitom wei ymtoh u ap yei klam kynnoh ki paidbah wei emkaam u chakri hok ya ki paidbah.

Advertisement ad1

0 Comments

Leave a Reply