April 26, 2022
Ka Annual Meeting namo ka yalang paidbah yong ka Seiñkur Suchiang (Central Body) da pynman ya ka ha ka 22 tarik uni u bnai ha Sahsniang, West Jaiñtia Hills District hajrong ka phang “Ka Kur Suchiang ha ka Imlang Sahlang”.
U kongsan ha kani ka sngi toh u J. Treilang Suchiang uwa man leh u MDC ka 16-Shangpung Constituency.
Chwa wow sdang ka yalang da em i ngoohblai na u Tbn. Kamdathmu Suchiang (Secy. Mootyrshiah Unit) wei da pynlai ya ka yalang da u President, u Carmel Suchiang wa u Rev. C.S Suchiang (Asst. Secy.) wei da yoh ya ki kyntien pdiang burom na u Damki Suchiang uwa man u waheh na ka Unit Sahsniang.
Ha ka yalang kiwa klam kynthup ki ya u Dr. R.L Running Suchiang, u Levinson Suchiang (Secy. Bataw Unit), u Lasting Suchiang, u Waheh Chnong ka Sahsniang.
Da puræ leh ya ka bui hajrong i lut i sep ka kur na u General Secretary wei da pynkut ya ka yalang da ki kyntien khublei na u Da O Suchiang uwa man u Secretary ka Jowai Unit.
Neiliang ka Seiñkur da e khublei ko ya waroh ki khon ka kur kiwa da wan cha kani ka yalang wa da man ko kawa jop.
