Hadien wa poor i dur u Lionel Messi wa u Lamine Yamal heipor wa dang khonboo u, kiwa boon da phylla ki yeini dei wym sñiaw ye ngiat tangwa ka United Nations Children’s Fund (UNICEF) da pyntikna ko wa ini i dur toh iwa da chon palat 18 snem nachwa kam chibynta ka Calendar wow dai yow pynmih poisa.
Ha ini i dur da emlang leh wa ka bei u Yamal wei da poor syndet i ha kini ki sngi hadien wa u pa u Yamal booh u yeini i dur ha ki rynsan Social Media.
Ini i dur toh iwa da chon ha u snem 2007 ha Camp Nou Dressing, Barcelona wei uwa chondur toh u Joan Monfort wei u Messi ha itu i por em u 20 snem katwa u Yamal won dang 6 bnai.
U Yamal wa u Messi toh kiwa daw yachem ha kani ka FIFA World Cup 2026 wei u Messi hawa yoo ya ini i dur da ong u hadooh katwon wym sñiaw ye ngait de neibhah kattæ u yakhun Final ki.
U Messi da ong u leh wa u Yamal toh uwa em sakhiat yei sap yalehbol wei man u uwi na kiwa ckhæh dooh hapoh pyrthai kattæ.
Ka UNICEF da pynche ko wa yei jied ya ki manyung wow chah chongdur wa u Messi toh deiwa pynkhle nasib wei u Messi man u leh kam u Goodwill Ambassador yong ka.
Ka UNICEF toh kawa kreh neibynta i bha i miat, ki khonboo, ki khynnah wa ki manbei ha kylleiñ ka pyrthai.
Discussion about this post