Uwi u khynnah wa dang 12 snem da chah baam chah pynyap u ha kawi ka Crocodile harood ka wah Ghaghara (Saryu) wa em ha Tikuri Gram Panchayat ka Uttar Pradesh ha ka 16 tarik uni u bnai.
Uni u khynnah da chah taan u chapoh um ha ka Crocodile heipor wa emlang wa u ma u wei i Video wa baam wa sympat kani ka Crocodile ya uni u khynnah da poor i ha ki rynsan Social Media wei neiliang ki paidbah da yaleh ki wow pynlait im oo.
I pyrtuid uni u khynnah toh u Sunil Singh wei da lai u wa u ma u cha lyngkha yow thung kba wei hadien wa dep u kreh heipor kamwa 2:00 waje i sngi, da sangeh ki ha rood ka wah yow sait kti, sait kjat wei heini i por da mih syndet kani ka Crocodile wei da taan ko ya uni u khynnah chapoh um.
U Sunil da yaleh u wow yakhun pyrchah yow lait nei ktien ka Crocodile, wei heini i por u ma u da kbai da paan yarap u wei da wan ki bru kiwa da kawang da ki moo ya kani ka Crocodile yow pynlait ya uni u khynnah tangwa kani ka Crocodile da lai ko cha i bynta wa yillu heiwa da kyntiñ wei syngait ko ya uni u khynnah ha ka um wei da yoo leh yeiwa kjap wei ngooid ko ya uni u khynnah kamwa chiteiñ i doh u chwa wow wiar ko.
Ki bor sorkar da wan ki wow thooh ya uni khynnah heiwa da chem yei metyap u heipor 8:30 i miet.
U Forest Ranger, u Sakib Ansari da ong u wa kani ka Crocodile baam ko ya ka kjat timun uni u khynnah, i bynta ha wah u tympong wei da hap wow khwe yei metyap deiwa pynemkaam da ka lieñ.
Neiliang ki bor District da e poisa yarap ki hadooh Rs. 4 lak cha ka manyung uni u khynnah.
Discussion about this post