Pyntip u Conrad wa dang bichaar ka sorkar pyrdi ya ka ILP

Ynne ka sngi kawa man ka sngi pynkut ya ka dorbar ka jylla, u MLA ka Congress na Nongpoh, u Mayralborn Syiem da dawa u na ka sorkar wow pynkrehkaam noh ya ka Inner Line Permit (ILP) ha ka jylla wow yada nei wan psiah ki bru na baar jylla deiwa dawa leh wow pynkrehkaam noh ya ka Entry-Exit wa pura ha ka jylla.

Neiliang u MLA ka Congress na Umroi, u George B Lyngdoh, da pynrap u deiwa kylli yei man i long ka ILP wei kat mynnu pynkrehkaam noh ya ka kamwa da mynjur da ka Dorbar ha u snem wa da dep.

Chooh chooh u MLA ka Congress na Rambrai-Jyrngam, u Kimfa S Marbaniang da pynrap u deiwa ong wa ka sorkar jylla ympu yoodur wow pynsñiawthooh ko ya ka sorkar pyrdi yei emkaam jhan wow pynkrehkaam noh ya ka kamjooh leh ya ka Meghalaya Residents Safety and Security Act (MRSSA).

Hajrong kini neiliang u montri rangbah ka jylla, u Conrad Sangma da pynche u deiwa pyntip wa ka sorkar pyrdi dang bichaar bniah ko ya i rai kaYung Dorbar Chna Aiñ ka Meghalaya, wow pynkrehkaam noh ya ka Inner Line Permit (ILP).

Related posts

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

U phah ka India ya 7 ngut ki MP na waroh ki Party wow lai cha ka UN yow batai yei yieñ pyrchah ya ki Terrorist  

May 17, 2025

Da ong u leh wa ka sorkar jylla hadien wa da dep yachem ko wa ka sorkar India, katni won dang yang ko ya i rai hajrong ka ILP.

Hajrong i pynkrehkaam pura ya ka Meghalaya Residents Safety and Security Act (MRSSA), u Conrad da ong u wa ka sorkar jylla dang bichaar bniah ko yeiwa e yumut u Lat ka jylla, u Satya Pal Malik hajrong kani ka aiñ.

Da pyntip u wa hadien wa ka sorkar da phah ko ya ka MRSSA cha u Lat wow yoh ya ka muhor, neiliang u Lat da phah biang u ya ka Bill cha ka sorkar jylla ryngkat i e yumut, wei ka sorkar dang bichaar ko yeiwa kdaw u Lat.