Pynyoo bor kiwa chare blang ya ki chipai ka China ha Ladakh 

Ha kini ki sngi wa dadep da poor i Video ha ki Social Media wa pynyoo ya i awri wa mih hapyrdi kiwa chare blang wa ki chipai ka China wa tip kam ka People’s Liberation Army ha Ladakh heiwa kiwa chare blang da chah khang luti ki ha ki chipai wei ini da pynchrai i ya ki.

Da ong wa ini da jia i hawa sdang uni u bnai ha Patrolling Point 35, 36 wa 37 ha ka chnong Kakjung, Nyoma ha khappood waka China namo ha Line of Actual Control heiwa ki chipai kiwa em da ki phaw ngut da synraan ya ki da ki kari Dongfeng Mengshi (Light Armoured Vehicle).

Ini i thaw man i leh i khappood ka India wa Tibet kawa da em hapoh i pynlai ka China katni.

Ha ini i Video da yoo wa em i yañia hapyrdi ki ar liang wei uwi na kiwa chare da pakhot moo u ya ka kari ki PLA kawa da pynkieh Siren yow beh ya ki blang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Uwi na kiwa chare blang da ong u ya ki chipai wa ini i thaw wa em ki toh i thaw yongrim ki iwa jooh wan chare blang ki. 

Uwi na ki chipai da kah u leh ya ka Camera wa riñ kini kiwa chare hapyrdi i kaweh kti ki chipai wow mih noh ki na ini i thaw. 

Ha iwi won i Video da em uwi u bru uwa da e khublei ya ki chipai ka Indian Army kiwa da chimkhia ya ini i kaam.