Pynyoo ki paidbah ka Mizoram yei chaniah yaka ZPM dei pynjop 27 ngut ki MLA

Ka Zoram People’s Movement (ZPM) da khreh ko wow chna sorkar deiwa jop ko 27 ngut ki MLA na ki 40 tylli ki Constituency ka jylla Mizoram katwa ka Mizo National Front (MNF) kawa synhaar ha ka sorkar wa dep da hap ko wow chong haka liang pyrchah deiwa jop ha 7 tylli ki wei dang tam ko ha kiwi ki 3 tylli ki Constituency hadooh wa pynmih ya kani ka khubor.

Ka MNF da dep ko leh wow chna sorkar la soo sien ha Mizoram iwa le sien hei yahkhmat u Zoramthanga uwa dep man kam u Montri Rangbah la le sien pura.

Ha chwa ynne ka sngi niaw Vote, da kheiñ wa ka yaleh daw man ko kawa khor bha hapyrdi ka MNF, ZPM waka Congress tangwa ka ZPM da ye ko wow chna parom wow pynhaap ya u Zoramthanga katwa ya ka Congress da khlan da ka BJP kawa jop ar ngut ki MLA heiwa ka Congress dang tam ko ha kawi donhi ka Constituency.

Ki daw wa rem noh ka Party u Zoramthanga toh wa kiwa boon ki khynroo khyllood da kwah ki yei kylla deiwa pynbaad wa joor ka baam tooh hapoh ka MNF waka Congress heiwa ka ZPM won da kular ko wow synchaar deiwa khooid yow wanrah yei kylla.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ka ZPM da pynyieñ ko leh da ki kyrtong wa dang khynroo wei kiwa dang thymme kiwa da kular wow wanrah yei yahkhmat leh da iwa thymme.