Hadien wa ood ki paidbah yei joor pynyieñ ki Truck ha rood u sarok NH-6 ha ki thaaiñ ka Ri-Bhoi District iwa da pynkhynnia ya u sarok khamtam ha Byrnihat-Jorabat, neiliang ki pulit ha ka sngi Thohdieñ da lai hiar ki cha kini ki thaw yow phah kyrriah ya kini ki kari neibhah kani ka bynta man ko kamwa ksih yei lai i wan ki kari.
Kini ki Truck manda pynyieñ ki ha rood u sarok da chim ki leh chiboon i bynta u sarok najrong wa man i leh pyrchah ya ka aiñ.
Yei lai kyrriah ya kini ki kari da yahkhmat da u SP ka District, u Vivekanand Singh Rathore wa u Additional SP, u Orville Massar heiwa u SP da ong u heipor wa wan ki kari wa heh wa khia da pynkhynnai chooh chooh ko ya ki luti syngkieñ, kamtæ da phah ya kini ki Truck wow lai pynyieñ ki hapoh ka Jorabat Flyover wa em neiliang Sonapur wa rap duna kari wei duna kiwa chong chnong.
U SP da maham u leh ya ki thaw chna kari wa em ha rood sarok wym toh u pynkhynnia ki ya ki luti syngkieñ wei lada leh pyrchah ki ye ki wow chah khang.
Kamtæ ynne i step neiliang ki pulit ka Ri-Bhoi da pynyoo ki yei dur wa da kyllooid ki rood sarok hadien wa da kyrriah kini ki Truck wa boon deiwa kyntu leh ya ki paidbah wa lada em kiwa yoo yei em ki kari wa pynyieñ harood sarok pyrchah ya ka aiñ, ye ki wow chondur wei wow phah cha ka Ri-Bhoi Control Room ha u Number-6909300160.
Ki pulit ka Ri-Bhoi ha kini ki sngi wa dadep, da daiñ kuna ki ya kiwa yah kari deiwa muiad, ki wym em deiñ Seatbelt, sap Helmet wa kiwi de heiwa ka kuna wa da yoh dapoi ko hadooh kamwa Rs. 5 lak.
Neiliang u MP ka Shillong, u Dr. Ricky J Syngkon leh da e yaroh u ya u DC kamjooh u SP deiwa ong wa da chem u katwon sahkut kari nadooh 14th Mile cha Jorabat neidaw wa em kini ki Truck wa pynyieñ harood sarok.
Discussion about this post