U Vice President ka Hynniewtrep Youth Council (HYC), u Donboklang Kharlyngdoh da kylli u deiwa ong wa man pyrchah aiñ ya kiwa lai chna yung da ki bru khlem yoh bor næ ki bru kiwa lai pynkhooid næ pyrchah aiñ kitu kiwa pynkhooid ya kiwa wanrah drugs.
Ki pulit ka nongbah Shillong da pteiñ ki wow khut hajir ya u Donbok cha Sadar Police Station hajrong i lai khyndang ka HYC ya ki yung wa da chna pyrchah aiñ da kiwa wiar chnong ha Lum Survey ha ka 23 tarik u Naisan.
Hawa klam wa ki laad pathai khubor, u Donbok da ong u wa kamwa ki pulit da pynsñiaw ki wa kwah ki wow ya krehlang hajrong itai i bynta, kamtæ neiliang kiwa yahkhmat ka seiñ da lai ki wow e yei ya krehlang ha ka 23 tarik.
Da ong u wa kam kiwa yahkhmat seiñbhalang ym sñiawphylla de ya kam ini i chah khut ha ki pulit wei pynsñiaw u wa ini wa lai cha thanat man ko kam wow pynthymme License maya ri.
Discussion about this post