U President ka Hynniewtrep Youth Council (HYC), u Roykupar Synrem da khana u wa i lai khyndang ka seiñ ha Lum Survey man ko leh wa em kiwa khayi drugs kiwa wan na Assam deiwa pynrap wa ka Lum Survey toh ka thaw wa em hapyrdi hei khayi drugs.
Hawa kylli da ong u wa da chem wa emyatoh hapyrdi ki bru na Lum Survey wa kiwa khayi drugs neibhah wa suk ha katai ka thaw iwa da pynman ya ka seiñ wow leh ko yeiwa leh ko wei da tip leh chiboon chaphang ini waroh hadooh kammon wan psiah i drugs ha katai ka thaw wei da toh i por wow leh iyi iyi.
Hawa kylli chooh chooh da ong u wa ka seiñ ym kwah ko wow pyntip cha ki pulit neibhah ka chnat pulit ye ko wow em i bynta hei khayi wei dih drugs wei lada khana lut yei kaam ym man de ka thong yong ka seiñ wow pyndooh yei drugs neibhah kamwa da phla da ki kattu katni ngut wa toh ki bru wa riam pulit kiwa pynpoi chei dih drugs.
Hajrong i klam u Superintendent of Police, u Rituraj Ravi wym toh u chim ya ka aiñ ha kti, tangwa wow e laad ya ki pulit wa ki bru kiwa tip rap bha wow leh yei kaam, neiliang u Roykupar da ong u wa ka seiñ ym khang ko ya ki pulit wow leh yei kaam yong ki wei yooluti u wa ki pulit u leh ki yei kaam rap bha neibhah em ki ka chnat wow thooh bniah yeini i kaam deiwa pynrap wa lada ka HYC ye ko wow leh hadooh katni katwon tam u ye ki pulit u leh chooh chooh.
Discussion about this post