Jowai: Ka seiñ Jaiñtia Awakening Movement (JAM), Central Body, katkam ka khubor wa pyllait da u Wanki Shwa Mawlong, President yong ka da kynnoh u wa ka Weighbridge wa em ha Amsarin hapoh ka chnong Sohkha wa pyllai da u Deipormi Dkhar toh ka wym bood ya ka aiñ.
Da ong wa katkam ka Meghalaya Installation, Regulation, Maintenance and Operation of Weightbridge Rules 2009 & 2015 emkaam u em ki thaw pynyieñ kari, ki thaw noh ya ki mar wa da kit tam, ki CCTV, ki signboard wa pynyoo yei dor thaw wa booh da ka sorkar tangwa ha kani ka weighbridge ym em kini waroh.
Ka seiñ leh da ong ko wa da yoh ujor ko na ki paidbah wa ha kani ka weighbridge leh da pynbor ya ki truck wow su palat yei dor wa da booh da ka sorkar kamtæ ka JAM da kyntu ko ya ki bor sorkar yow pynman ki da ka ‘Surpise Checking’ yow chem yeiwa sakhiat.
“Lada kiwa pyllai ya kani ka weighbridge ym ye ki u bood katkam ka aiñ bha wow pyllai noh da ka sorkar ya kani ka weighbridge” da pynkut u president ka seiñ.
(Feature Image – Representational)
Discussion about this post