Pyrchah joor ki 7 chnong yei thmu ka Sorkar yow ekti ya ka Nongtalang CHC cha ki NGO

Amlarem : Ki 7 chnong kiwa em soodong yong ka Nongtalang CHC ha ka yalang wa da khut jhan da pynsñiaw ki i pyrchah joor yei thmu yong ka Sorkar wow ekti noh ya ka Nongtalang CHC cha ki NGO.

Ini i pyrchah da mih i neidaw wa kiwa kreh ha katai ka PHC nadooh kiwa kreh ha ka ophis ki nurse wa kiwi kiwi man ki kiwa kreh hok yei kaam yong ki.

Kamtæ neiliang yong ki Waheh Chnong yong kini ki 7 Chnong da ong ki wa ka Nongtalang CHC man sakhiat ka wa chakri hok ya kiwa dooh wa duk, u kup chiliang sem chiliang da ki boon snem hadooh katni.

Da ong leh wa katni ka CHC dang yooluti wa i chimkti ya ka da u doctor wa biang bha i kitkhlieh kam u Medical Health Officer wei neiliang ki Waheh Chnong wa ki paidbah thrang ki u yoh u yoo yei ki kaam wa bha yong utai u Doctor.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang ki 7 chnong wa kyntup ya ka Nongtalang, Lamin, Sohkha Chnong, Sohkha Mission, Kudeng, Nongtalang Mission, Amsohmeheleng wa ka Nongtalang Thymmai sniaw ki wa toh u pynsangeh chwa chipor ya i thmu u e kti ya ka CHC cha i pyllai da ki NGO.