Pyrchah ka CoMSO yei phah wai ya ki Bank ha ka sngi Sunday  

Ka Confederation of Meghalaya Social Organisations (CoMSO) da pyrchah ko ya ka hukum ka Finance Ministry wow phah wai ya ki Bank (Public Sector & Regional Rural Banks) ha kani ka 27 tarik kawa man leh ka sngi Sunday chwa wow man i yakhih ki Bank ha ka ri nadooh ka 28 hadooh ka 30 tarik uni u bnai September.

U General Secretary ka CoMSO, u Balkarin Ch Marak da ong u wa ka hukum ym kheiñkor ko ya ka Meghalaya wa boon ki Christan kiwa lai yungmane wei kiwa pynlait yei por wa ka yung.

Da ong u wa ki kaam chakri (Administration) ymtoh u ktah i ya i kaam niam wa ki kaam bhalang ha Meghalaya neibhah da leh yeini khlem yaklam wa ki sorkar jylla.

Related posts

Heipor wa e sikai pynemkaam JCB pynchna syndon ya ka luti yongrim wa jooh lai ki syiem na Jaiñtiapur cha Nartiang

November 6, 2026

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

Ka CoMSO da ong ko wa ym em pyrchah ko yei thut i chakri næ i kreh ki Bank tangwa emkaam wow pynyinsur yei por wa kreh hadien i yakhih kamjooh wow pynkhlan ya ki kor ATM wa kiwi.

Da kyntu leh ya ka Finance Ministry, ka RBI, ki Bank wa ki sorkar jylla wow pyrkhat yeini khnang wow lai bait ki kaam niam ki bru.