Yap u pulit wa chah tyrrah heipor wa kaap chiliang ya u sarok wa boon kari

Uwi u pulit Sub-Inspector uwa 55 snem i rta uwa na Kothagudem District ka Telagana da yap noh u hadien wa chah tyrrah ha ka Scooty katwa dang kaap chiliang u ya u sarok ha Tank Bund, Hyderabad heipor wa pyndep yei kreh wa pynngam blai Ganesh ynnin ka sngi.

Ya uni u pulit da tip kam u K. Venkanna wei man u kam u pulit ka Kothagudem II Town PS.

Ha kani ka thaw da em deilang kiwi ki 10 ngut ki pulit wei u sarok toh uwa boon ki bru wa lai wa wan wei man ko leh ka sngi wa lehkmen yong niam.

Ini da jia i heipor 1:50 i step ka 23 tarik heipor wa uni u pulit deilang wa uwi dang kaap ki cha chiliang sarok wei u pulit wa em hakhmat da kynthiar u charood hawa wan kani ka Scooty wei da toh u Venkanna ha kani ka Scooty kawa rap pynhær kawa em ar ngut kiwa chong kawa da yut khlem sangeh na ini i thaw. 

Chwa wow kit cha Hospital ha Hyderabad, uni u pulit da lai u cha Saifabad Police Station wow booh ka ujor wei nei kheiñstiñ wym em joor i mynsoo u neidaw wa toh u malu mala donhi ha kti wa ka kjat wei ki Doctor leh ym em chem ki iyi iyi wa jia wa mynsoo da liwan u cha yung.

Related posts

Yoh ki ar tylli ki thaw sumaar ka West Jaiñtia Hills yei tipmit na ka National Quality Assurance Standards

November 6, 2026

I step wei miet u chah u thang bomkala heipor Diwali

November 6, 2026

Tangwa hadien wa ood u manda poi yung, da kit oo cha MGM Hospital, Warangal, heiwa da chem wa lang snaam ha khlieh u wei da yap noh u katwa dang sumaar ya oo.

Heiyatoh wa ini ki pulit dang thooh ki ya kiwa yah ya ka Scooty.