Ka seiñ Chdooh Ri Jaiñtia Maya (CRJM) hapoh i yahkhmat u President waheh yong ka, u Binit Suchiang da rai ko da iwi i sur wow pyrchah yei thmu ka sorkar wow wanrah luti rel hapoh Ri-loom Jaiñtia.
I daw wa pyrchah yei thmu ka sorkar wow wanrah luti rel toh neidaw wa ka jaitbru yong i khamtam hapoh ka ri toh kiwa khian paaid wei khlem da em ka aiñ wow yada ya ka jaitbru yong iyi wow jia lada wan psiah khlieh kiwa na kiwi ki jaitbru wa heh paaid.
Katda kamtæ ka seiñ pyrchah joor ko yei thmu ka sorkar hawa tang ka aiñ wa biang ym em.
Kamtæ da ong wa nongkong emkaam wow pynmiat pynbha chwa ya ki sarok, ki luti ki syngkieñ khnang yow suk ki paidbah u lai u wan khamtam heipor wa chem chitom, ymtoh deiwa wanrah da ka luti rel hawa tang ya ki sarok leh wym pu em biang hapoh ka chnong ka thaw yong i yow pynsuk ya kiwa chong chnong.
Discussion about this post