Jowai : Ka seiñ Hynniewtrep Achik National Movement (HANM) East Jaiñtia Hills lyngba ka khubor wa da pyllait da pynsñiaw ko yei kyrchaan wa pura ya ka Joint Action Committee yong ki chnong wa chah ktah ha ka Eco Sensitive Zone harood ka Narpuh Wildlife Sanctuary.
Hadien wa ka tnat Wildlife Department pan pynkylla Eco Sensitive Zone ko ya ki thaw ki bru samen wa em ha jan u pood ka Narpuh Wildlife Sanctuary, ki tre thaw da pyrchah wei da seiñ ki da ka “Joint Action Committee of affected Villages by proposed Declaration of Eco sensitive Zone around Narpuh Wildlife Sanctuary” neidaw wa daw ktah ko wei daw chah yoohbeiñ i hok ki tre thaw ha kini ki bynta ka Eco Sensitive Zone.
Kamtæ ka HANM kam kawi naki seiñbhalang hapoh jylla da pynsñiaw ko yei pyrchah joor ya itai i thmu ka Wildlife Department wow pynkyllla Eco Sensitive Zone ya kitai ki thaw wa em harood ka khloo Narpuh Wildlife Sanctuary.
“Ini i leh ka tnat daw ktah i yei khih i kamai kiwa chong chnong ha kini ki thaiñ kiwa imsngi nei rep i riang” da ong ka HANM.
Kamtæ ka seiñ da kyntu ko ya ka tnat wow pyndam noh ya kani ka rai neibynta i bha i miat kiwa im ha ki chnong ki wow chah ktah ha ka.
Discussion about this post