Ka Hynniewtrep Integrated Territorial Organisation (HITO) da thoh ko cha ka Ministry of Environment, Forest and Climate Change (MoEFCC) wow pyndam yei kreh ya ka Shree Cement Integrated Cement Plant ha Daistong, East Jaiñtia Hills.
U President ka seiñ, u Donbok Dkhar da ong u wa i wan ka karkhana heini daw ktah i chiboon ya ka thaw nadooh ki thaw rep, ki um wa kamjooh i rukom im ki bru.
Da sñiawkhia leh yei tngit wei manbih ka la’ær, ka um wei khamtam wow pynkylla yei thaw rep kam i thaw booh karkhana.
Ka HITO da dawa ko leh wow pyndam ya ka Environmental Clearance wei wow yada ya ki thaw rep kamjooh leh ki mrad, ki sim ki doh kamjooh ki khloo ha Daistong wa kiwi ki thaw
Chooh chooh u Donbok da ong u wa kani ka karkhana ym em jngai ko na ki thaw paidbah, heiwa jngai ko du 0.82-1.4 km na chnong Daistong, iwa daw pynman yeini i thaw kam iwa yap.
Ka seiñ da kylli ko leh ya ka Single Window Agency (SWA) wa khlieh da u Montri Rangbah wa kammon da e bor wei pynlait ya kani ka Project khlem da pyrkhat ya ka ramaw wa i kamai ki paidbah na ka thaaiñ.
Heijooh i por da ong u wa ym em pyrchah ki ya ki kaam pynroi tangwa pyrchah ki yei pynjæd tympra yeiwa da murieh hei naam i roi i paar.
Da maham u leh wa lada tia chaphrang daw tyngkhooh ki ya i pyrchah, i yakhih wa i leh pyrchah.
Discussion about this post