Shillong: Ka HYC-CEC ynne ka sngi da e dorkhat ko ha u montri rangbah ka jylla, u Conrad Sangma hajrong i pynbna lait kreh hapoh ka North Eastern Police Academy (NEPA) kawa em ha Umsaw, Ri Bhoi District kawa man ka thaw esikai ya ki sahep pulit ka thaaiñ mihsngi kawa em hapoh i pait ka Ministry of Home Affairs yong ka sorkar pyrdi.
Katkam i pynbna lait kreh (Advertisement) ha ka 26-11-18 na NEPA da pyntip wa lait kreh kamwa 33 tylli ha ki kyrdan waphær waphær heiwa na kini ki 33 tylli, 8 tylli da mang kyrpang ya ki khianpaaid wa kynthup ya ki OBC wa SC tangwa ym em mang næ booh bhah kyrpang ya ki ST yong ka jylla Meghalaya.
Ka seiñ da pynsñiaw ko yei pyrchah hajrong ini i pynbna ka NEPA iwa man kam wow yoobeiñ wei wym kheiñdor ya ki khynroo khyllood ka jaitbru Ynñiawtrep wow yoh kreh ki ha kani ka thaw. Da ong ko leh wa ini i leh ka NEPA wa ka Ministry of Home Affairs yong ka Sorkar India thmu ko wow pyndooh kreh ya ki tre jylla.
Ha kani ka dorkhat ka seiñ da pyrchah joor ko yei leh ka NEPA wei da kyntu joor ya u Conrad wow chimkhia yeini ha ki bor wa pait ya kani ka thaw esikai wa kamjooh ya ka Ministry of Home Affairs ka sorkar India.
Da kyrpaad ko leh ya oo wow phah pynsangeh chwa ya ini i thung kreh kat hadooh wa da pynbait yeiwa duna wa ka sorkar pyrdi.
Ya kani ka dorkhat da phah leh cha u James Sangma uwa man u montri ka kaam Pohyung ka sorkar jylla.
Discussion about this post