Pyrchah ka India yei thmu ka IMF wow e yarap poisa ya ka Pakistan da ki Billion Dollars

Ka Ministry of Finance ka ri India da khana ko ya ka yurim wa yieñ ko pyrchah ya ka International Monetary Fund (IMF) ynne hawa ka IMF da chong pyrkhat ko wow pteiñ u e yarap poisa lyngba ka Extended Fund Facility (EFF) kawa dapoi $1 Billion wei kamjooh hapoh ka Resilience and Sustainability Facility (RSF) wa thymme yow e ram sa $1.3 Billion cha ka Pakistan.

Ka India da ong ko wa kam ka dkhot wa em i kitkhlieh, da pynsñiaw ko yei sñiawkhia hadooh katwon krehkaam ini i e yarap ka IMF ya ka Pakistan hawa da yoo wym ye ko wow su wei da pynemkaam bakla ya kani ka poisa yow kyrchaan ya ki Terrorist kiwa psiah chapoh India.

Ka Pakistan toh kawa khlan bha u chim ram na ka IMF, wei ya kani ka poisa leh ym em pynemkaam hok ka katkam ki kyndon ka IMF hi. Ha ki 35 snem nadooh u 1989, ka Pakistan da yoh yarap poisa ko na ka IMF la 28 snem. Ha ki 5 snem nadooh u 2019, da em soo tylli ki IMF Program. Lada toh wa ha ki Program wa dadep da wanrah sakhiat ki yei roi i paar, ka Pakistan ymtoh wow lai paan yarap ko yow pynlait ka nei sah ram. Kamtæ ka India da kdaw wei da kylli ko hadooh katwon krehkaam kini ki Program ka IMP wei kammon da pyntikna wa da pynemkaam hok ya ka poisa.

Ka India da ong ko wa ki chnat chipai ka Pakistan toh kiwa muchlia ha ki kaam poisa poilaiñ hadooh wa liat rood kani ka poisa wa e ka IMF kiwa da thmu wow wanrah yei kylla hapoh kani ka ri. Wei kamwa man kattæ da em da ka sorkar wa jied da ki paidbah tangwa ka chnat chipai da em bait ko na rood wow batai.

Related posts

Sangeh yakhih ka MCTODA | Da e por ya ki karkhana Coke 10 sngi

May 9, 2025

Siat ka Pakistan ya ka skur wa pynlai da ki Nun hadooh wa yap ar ngut ki khynnah

May 9, 2025

Da e nongmuna leh wa ha u snem 2021 ha ka Report ka UN kawa da ong wa ka chnat chipai da man ko kam ka seiñ hapoh Pakistan wei hadooh kattæ leh ini ym em kylla i heiwa ki chipai hi wa em hakhmat wow ong kammon wow krehkaam ka Special Investment Facilitation Council of Pakistan. 

Kamtæ ka India da ong ko wow pteiñ wow e yarap poisa cha ka Pakistan kawa pynemkaam ka neibynta ki Terrorsist toh iwa maa bha ya ka pyrthai waroh kawi, iwa pynyoo leh yei dur sakhiat kini kiwa kyrchaan poisa deiwa kheiñ biej ki leh ya ka pyrthai. Wei kam ki ri wa boon wa man kam ki dkhot ka IMF toh u em ki yei kitkhlieh wow kylli kammon da pynemkaam ya kani ka poisa.

Neiliang ka IMF da chimkhia ko yeini wa ong ka India kamjooh yei wym bien ko wow chimbynta wow thap Vote hajrong ini i thmu wow pteiñ u e yarap poisa biang cha ka Pakistan.