Ka Jaiñtia Students’ Union (JSU) da pyrchah joor ko yei thmu ka sorkar wow chna luti rel ha Jaiñtia Hills deiwa kyntu ya u Montri Rangbah wow chna ya ki thaw puræ, ki thaw sumaar wa ki sarok wa bha ha Ri-loom Jaiñtia wei wow pynkrehkaam noh ya ka ILP.
Ka seiñ da ong ko hawa da ban joor ko wow wanrah ya kini kiwa emkaam dei langær weileh won kwah ko wow wanrah da ka rel.
Chooh chooh da ong ko wa hanla em chiboon i myntoi na ka rel nadooh i lai i wan, i khayi pateiñ, i yajan wa kiwi ki thaaiñ tangwa ka Meghalaya boon kiwa chong chnong toh ki jaitbru khian paaid kamtæ emkaam wow wanrah chwa ya ka ILP khnang u ye u tip yei lai i wan ki bru wa na baar khnang wow ye leh u yada yei rukom im wa kyrpang ki khian paaid.
Ka seiñ da ong ko wa ym em pyrchah ko ya ka rel tangwa emkaam ya ka ILP wow yada na i wan psiah kiwa na baar jylla wei emkaam wow wanrah ya ki kaam pynroi ha ka thaaiñ nadooh ki Hospital, ki thaw puræ wa ki sarok wa biang kiwa toh u em hakhmat dooh neibynta ka thaaiñ.
